കോണ്‍ഗ്രസില്‍ ഗ്രൂപ്പ് വഴക്കിന്റെ കാലം അവസാനിച്ചു: രമേശ് ചെന്നിത്തല

തിരുവനന്തപുരം: (www.evisionenws.in) കോണ്‍ഗ്രസില്‍ ഗ്രൂപ്പ് വഴക്കിന്റെ കാലം അവസാനിച്ചെന്നും തന്നെ നിര്‍ദേശിച്ച ഉമ്മന്‍ചാണ്ടിയുടെ നടപടി അസാധാരണ നടപടിയാണെന്നും രമേഷ് ചെന്നിത്തല.  ഒറ്റക്കെട്ടായി കേരളത്തിലെ ജനങ്ങള്‍ക്കായി കോണ്‍ഗ്രസ് നിലകൊള്ളുമെന്നും കൂടുതല്‍ ക്രിയാത്മകമായി കോണ്‍ഗ്രസിനെയും യുഡിഎഫിനെയും മുന്നോട്ട് കൊണ്ടുപോകുമെന്നും അദ്ദേഹം പറഞ്ഞു. ഇടത് സര്‍ക്കാര്‍ ചെയ്യുന്ന നല്ല കാര്യങ്ങളുമായി സഹകരിക്കും പ്രതിപക്ഷനേതാവായതിനുശേഷമുളള രമേശ് ചെന്നിത്തലയുടെ ആദ്യ പത്രസമ്മേളനത്തില്‍ സംസാരിക്കുകയാരുന്നു ചെന്നിത്തല. 

അധികാരത്തിലേറിയ ഹണിമൂണ്‍ പിരീഡിനിടയില്‍  ഇടതുസര്‍ക്കാരിലുണ്ടായ അഭിപ്രായ വ്യത്യാസം തന്നെ അത്ഭുതപ്പെടുത്തിയെന്നും രമേഷ് പറഞ്ഞു.

മുല്ലപ്പെരിയാര്‍ വിഷയത്തില്‍ മുഖ്യമന്ത്രി പിണറായി വിജയന്‍ കൈക്കൊണ്ട നിലപാട് കേരളത്തിന്റെ താത്പര്യങ്ങള്‍ക്ക് വിരുദ്ധമാണെന്നും ഇത് അംഗീകരിക്കില്ലെന്നും പ്രതിപക്ഷ നേതാവ് പറഞ്ഞു. അതിരപ്പിള്ളി പദ്ധതിയില്‍ സര്‍ക്കാര്‍ പൊതുചര്‍ച്ച നടത്തണമെന്നും ഏകപക്ഷീയ നടപടി എടുക്കരുതെന്നും ആവശ്യപ്പെട്ട ചെന്നിത്തല ദേവസ്വം റിക്രൂട്ട്മെന്റ് ബോര്‍ഡ് പിരിച്ചുവിടുന്നതിനോട് യോജിപ്പില്ലെന്നും വ്യക്തമാക്കി.

Keyword-Ramesh-chennithala-press-meet-After-opp-leader