കാഞ്ഞങ്ങാട്: (www.evisionnews.in) കുടുംബൂര് പുഴയില് മുങ്ങി മരിച്ച എഞ്ചിനീയറിംഗ് വിദ്യാര്ത്ഥിയും എം എസ് എഫ് ജില്ലാ കമ്മിറ്റിയംഗവും കാഞ്ഞങ്ങാട് മണ്ഡലം വൈസ് പ്രസിഡന്റുമായിരുന്ന ജൗഹറിന്റെ മയ്യിത്ത് വന് ജനാവലിയുടെ സാന്നിദ്ധ്യത്തില് കല്ലഞ്ചിറ ഖബര് സ്ഥാനില് ഖബറടക്കി.
പരീക്ഷാഫലം ഫലം പുറത്ത് വരുന്നതിന്ന് മുമ്പേ വിടപറഞ്ഞു പോയ നാട്ടിലെ സജീവ സാന്നിദ്ധ്യമായ ജൗഹറിന്റെ നിര്യാണ വാര്ത്ത അറിഞ്ഞത് മുതല് നാനാജാതി മതസ്ഥരായ നിരവധി പേരാണ് കല്ലഞ്ചിറയിലെ വീട്ടിലേക്കും കാഞ്ഞങ്ങാട് മന്സൂര് ആശുപത്രിയിലേക്കും ഒഴുകിയെത്തിയത്.
വ്യാഴാഴ്ച്ച വൈകിട്ട് കാഞ്ഞങ്ങാട് കൊണ്ടുവന്ന മൃതദേഹം ഇന്ന് രാവിലെ പോസ്റ്റ്മോര്ട്ടത്തിന് ശേഷം തോയമ്മല് മസ്ജിദില് നിന്ന് മയ്യിത്ത് പരിപാലനം നടത്തി.ഉച്ചക്ക് 2.30 ന് മഖാം പരിസരത്ത് പൊതുദര്ശനത്തിന് വെച്ച് ശേഷം വീട്ടില് കൊണ്ട് പോയ ശേഷമാണ് മറവ് ചെയ്തത്.
തുടര്ന്ന് കല്ലഞ്ചിറയില് സര്വ്വകക്ഷി അനുശോചനം ചേര്ന്നു. എം എസ് എഫ് ജില്ലാ പ്രസിഡന്റ് ഹാശിം ബംബ്രാണി അദ്ധ്യക്ഷത വഹിച്ച യോഗത്തില്.രാജു കട്ടക്കയം, അശ്റഫ് അലി ദാരിമി, ടോമി, ഉസാംപള്ളങ്കോട്, മുസ്തഫ തായന്നൂര്, എ സി എ ലത്തീഫ്, സാജിത് എടത്തോട്, എ ആര് രാജു, ജാതിയില് അസൈനാര്, ജാഫര് ചായ്യോത്ത്, ശാഹുല് ഹമീദ്, ടി.എം.അബ്ദുള് ഖാദര്, സണ്ണി കല്ലന്ചിറ, സാദിഖുല് അമീന്, ഇര്ശാദ് മൊഗ്രാല്, സി ഐ എ ഹമീദ്, ഇഖ്ബാല് വെള്ളിക്കോത്ത്, റംശീദ് എന് ആര് സി, റമീസ് ആറങ്ങാടി, റംശീദ് തോയമ്മല്, എന്നിവര് അനുശോചിച്ചു.ഇഖ്ബാല് കല്ലന്ചിറ. സ്വാഗതവും, അഷ്റഫ് കല്ലന്ചിറ നന്ദിയും പറഞ്ഞു.
Post a Comment
0 Comments