2015 മേയ് മാസത്തില് നിര്ത്തിവെച്ച ഇ മണല് സംവിധാനം പൂനരാരംഭിക്കാത്തതാണ് മണല് ക്ഷാമം രൂക്ഷമാക്കിയത്. ഇ മണല് സംവിധാനത്തിലൂടെ പ്രതിദിനം 1120മെട്രിക് ടണ് മണലാണ് ജില്ലയിലെ 44 കടവുകളില് നിന്നായി വിതരണം ചെയ്തിരുന്നത്. അത് പോലും തികയാതെ ആഴ്ചകളോളം കാത്തിരിക്കേണ്ട സ്ഥിതിയായിരുന്നു.
ദേശീയ ഹരിത ട്രൈബൂണലിന്റെ ഉത്തരവിനെ തുടര്ന്നാണ് പുഴകളില് നിന്നുള്ള മണലെടുപ്പ് നിരോധിച്ചത്. പുഴകളില് മണല് ഓഡിറ്റ് നടത്താതെ മണല് വാരാന് അനുമതി നല്കരുതെന്നായിരുന്നു ട്രൈബൂണല് ഉത്തരവ്. ജില്ലയില് ചന്ദ്രഗിരി പുഴയില് മാത്രമാണ് ഓഡിറ്റ് പൂര്ത്തീകരിച്ചത്. ഇവിടെ മൂന്ന് വര്ഷത്തേക്ക് മണലെടുക്കുന്നത് സര്ക്കാര് വിലക്കിയിരിക്കുകയാണ്. മറ്റു പുഴകളില് ഓഡിറ്റ് നടത്തുന്നതിനുള്ള പ്രാരംഭ നടപടികള് പോലും ആരംഭിച്ചിട്ടില്ല. തുറമുഖ വകുപ്പിന്റെ കടവുകളില് നിന്നും ലഭിക്കുന്ന മണലുകള് കെട്ടിട നിര്മാണത്തിന് ഉപയോഗിക്കാന് സാധിക്കുന്നുമില്ല.
മണല് ക്ഷാമം രൂക്ഷമായതോടെ അന്യസംസ്ഥാനങ്ങളില് നിന്നുള്ള മണല് കടത്ത് സംഘം ജനങ്ങളെ കൊളളയടിക്കുകയാണ്. ഇ മണല് സംവിധാനം വഴി 3500 രൂപ നിരക്കില് ലഭിച്ചിരുന്ന ഒരു ടിപ്പര് ലോഡ് മണലിന് 12,000 രൂപയിലേറെ നല്കേണ്ടിവരുന്ന അവസ്ഥായാണുള്ളത്. ഇക്കാര്യത്തില് ജില്ലയിലെ ജനങ്ങളും തൊഴിലാളികളും അനുഭവിക്കുന്ന ദുരിതത്തിന് പരിഹാരം കാണുന്നതിന് ഇ മണല് വിതരണം പുനരാരംഭിക്കാന് മുഖ്യമന്ത്രി ഇടപെടണമെന്ന് അബ്ദുല് റഹ്മാന് ആവശ്യപ്പെട്ടു.
Keywords: Kasaragod-news-stu-a abdul rahman
Post a Comment
0 Comments