മുകേഷിനെ സ്ഥാനാര്ത്ഥിയാക്കുന്നതിനെതിരെ കൊല്ലത്ത് പാര്ട്ടിക്കുള്ളില് അപസ്വരങ്ങളും പോസ്റ്റര് പ്രചാരണവും നടന്നിരുന്നു. മുന് മന്ത്രിയും കേന്ദ്ര കമ്മിറ്റി അംഗവുമായ പി കെ ഗുരുദാസനെയോ മുതിര്ന്ന മാധ്യമ പ്രവര്ത്തകന് ആര് എസ് ബാബുവിനെയോ മത്സരിപ്പിക്കണമെന്നായിരുന്നു ഒരു വിഭാഗത്തിന്റെ ആവശ്യം. എന്നാല് സംസ്ഥാന നേതൃത്വം മുകേഷിനെയാണ് പിന്തുണച്ചത്.
മലയാളത്തിലെ പ്രമുഖ കമ്മ്യൂണിസ്റ്റ് നാടക പ്രവര്ത്തകരായ ഒ മാധവന്റെയും വിജയകുമാരിയുടെയും മകനാണ് മുകേഷ്. മേതില് ദേവികയാണ് ഭാര്യ. പ്രമുഖ നടി സരിത ആദ്യ ഭാര്യയായിരുന്നു. ഇടതുമുന്നണി ഭരണകാലത്ത് സംഗീത നാടക അക്കാഡമിയുടെ ചെയര്മാനായും പ്രവര്ത്തിച്ചിട്ടുണ്ട്. കൊല്ലം എസ് എന് കോളേജിലെ പൂര്വ വിദ്യാര്ത്ഥിയാണ്. തിരുവനന്തപുരം ഗവ. ലോ കോളേജില്നിന്ന് നിയമ ബിരുദം എടുത്തു. പ്രമുഖ നടി സന്ധ്യാ രാജേന്ദ്രന് സഹോദരിയാണ്.
keywords: mekesh-kerala-election-kollam-candidate
Post a Comment
0 Comments