തൃശൂര് (www.evisionnews.in): കതിരൂര് മനോജ് കേസില് പ്രതി സിപിഎം കണ്ണൂര് ജില്ലാ സെക്രട്ടറി പി ജയരാജനെയും വഹിച്ച് തിരുവനന്തപുരം ശ്രീചിത്ര ആശുപത്രിയിലേക്ക് കുതിക്കുകയായിരുന്ന ആംബുലന്സ് അപകടത്തില്പെട്ട് വന് അത്യാഹിതം ഒഴിവായി. ചൊവ്വാഴ്ച രാത്രി പതിനൊന്നരയോടെ കോഴിക്കോട് മെഡിക്കല് കോളജില് നിന്നും പുറപ്പെട്ട ആംബുലന്സ് പുലര്ച്ചെ തൃശൂരില് വെച്ചാണ് അപകടത്തില്പ്പെട്ടത്. പേരാമംഗലത്ത് റെയില്വേ കൈവരിയിലേക്ക് വാന് ഇടിച്ചു കയറുകയായിരുന്നു.
തലനാരിഴയ്ക്കാണ് വന് അപകടം ഒഴിവായത്. അപകടത്തെ തുടര്ന്ന് ദേഹാസ്വാസ്ഥ്യം അനുഭവപ്പെട്ട ജയരാജനെ അമല മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഓടിക്കൊണ്ടിരിക്കെ ടയറ് പഞ്ചറായതിനെ തുടര്ന്ന് നിര്ത്താന് ശ്രമിക്കവെ വാഹനം അപകടത്തില് പെടുകയായിരുന്നുവെന്ന് ഡ്രൈവര് പറഞ്ഞു. ഉറങ്ങിപ്പോയതാണ് അപകടകാരണമെന്ന ആരോപണം ഡ്രൈവര് നിഷേധിച്ചു.
Post a Comment
0 Comments