തദ്ദേശ തിരഞ്ഞെടുപ്പ്: രണ്ടാംഘട്ട വോട്ടെടുപ്പ് ആരംഭിച്ചു

തിരുവനന്തപുരം(www.evisionnews.in): തദ്ദേശ തിരഞ്ഞെടുപ്പിന്റെ രണ്ടാംഘട്ടത്തില്‍ സംസ്ഥാനത്തെ ഏഴ് ജില്ലകളില്‍ വോട്ടെടുപ്പ് ആരംഭിച്ചു.

പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂര്‍, പാലക്കാട്, മലപ്പുറം ജില്ലകളിലെ 1.4 കോടി വോട്ടര്‍മാരാണ് വ്യാഴാഴ്ച മനസ്സ് തുറക്കുന്നത്. ആവേശകരമായ പ്രചാരണവും വീറുറ്റ പോരാട്ടവും നടന്ന ഈ ജില്ലകളില്‍ മികച്ച പോളിങ് നടക്കുമെന്നാണ് പ്രതീക്ഷ. ഇതില്‍ ബി.ജെ.പി-എസ്.എന്‍.ഡി.പി. യോഗം കൂട്ടുകെട്ടിന്റെ സജീവസാന്നിധ്യമുള്ള ജില്ലകളാണ് പത്തനംതിട്ടയും ആലപ്പുഴയും കോട്ടയവും. കോട്ടയത്തും എറണാകുളത്തും മലപ്പുറത്തും കഴിഞ്ഞ തദ്ദേശതിരഞ്ഞെടുപ്പിലും യു.ഡി.എഫ്. കോട്ടകള്‍ തീര്‍ത്തിരുന്നു. എന്നാല്‍, മുന്നണിവിട്ടുള്ള അവിശുദ്ധ സഖ്യങ്ങളും സൗഹൃദ മത്സരങ്ങളും വിമതരുമൊക്കെ ഇവിടങ്ങളില്‍ യു.ഡി.എഫിന് തലവേദനയാവുന്നതാണ് പ്രചാരണത്തില്‍ കണ്ടത്. പാലക്കാട് ജില്ലയില്‍ കഴിഞ്ഞ തിരഞ്ഞെടുപ്പില്‍ എല്‍.ഡി.എഫിനായിരുന്നു മേല്‍ക്കൈ

 keywords: kerala-vote-2stage-starting