മൂന്നാര്: (www.evisionnews.in) എല്ഡിഎഫ് അധികാരത്തില് വന്നാല് മൂന്നാര് പാക്കേജ് നടപ്പിലാക്കുമെന്ന് പ്രതിപക്ഷ നേതാവ് വിഎസ് അച്യുതാനന്ദന്. ബോണസ് വെട്ടിക്കുറച്ച കണ്ണന് ദേവന് കമ്പനിയെ നിലയ്ക്ക് നിര്ത്താന് സര്ക്കാര് തയ്യാറാകണമെന്നും തൊഴിലാളികളുടെ പ്രശ്നങ്ങള്ക്ക് പരിഹാരം കണ്ടെത്തുന്നത് വരെ താന് മൂന്നാറില് തുടരുമെന്നും വിഎസ് പറഞ്ഞു. ബോണസ് ഏകപക്ഷീയമായി വെട്ടിക്കുറച്ചതിന് ഒരു ന്യായീകരണവുമില്ല.
തൊഴിലാളികളുടെ പ്രശ്നങ്ങള് പരിഹരിക്കാന് സര്ക്കാര് മുന്കയ്യെടുക്കണമെന്നും വിഎസ് ആവശ്യപ്പെട്ടു.
ആയിരക്കണക്കിന് തൊഴിലാളികള് ജീവിതത്തിന്റെ രണ്ടറ്റം കൂട്ടിമുട്ടിക്കാനാണ് മഞ്ഞും വെയിലും കൊണ്ട് സമരം നടത്തുന്നത്. തൊഴിലാളികളുടെ പേരെഴുതിവെച്ച് ടാറ്റയുടെ പിണിയാളുകള് നടത്തുന്ന തട്ടിപ്പു കമ്പനിയാണ് കണ്ണന്ദേവന് കമ്പനിയെന്നും യഥാര്ത്ഥ കണക്കുകള് മറച്ചുവെച്ചാണ് കമ്പനിയുടെ ലാഭനഷ്ടം കണക്കാക്കുന്നതെന്നും വിഎസ് പറഞ്ഞു. എല്ഡിഎഫ് സര്ക്കാര് കൊണ്ടുവന്ന നയങ്ങള് സര്ക്കാര് അട്ടിമറിച്ച് കയ്യേറ്റം പ്രോത്സാഹിപ്പിച്ചെന്നും വിഎസ് ആരോപിച്ചു. മൂന്നാറിലെ സമരസ്ഥലത്ത് തൊഴിലാളികളെ അഭിസംബോധന ചെയ്ത് സംസാരിക്കുകയായിരുന്നു വിഎസ്.
keywords: munar-ldf-implement-package-vs
Post a Comment
0 Comments