അനിശ്ചിതകാല സ്വകാര്യ ബസ് സമരം പിൻവലിച്ചു

തിരുവനന്തപുരം:(www.evisionnews.in) സ്വകാര്യ ബസുടമകൾ പ്രഖ്യാപിച്ച അനിശ്ചിതകാല ബസ് സമരം പിൻവലിച്ചു. മുഖ്യമന്ത്രി ഉമ്മൻ ചാണ്ടിയുമായി നടത്തിയ ചർച്ചയെ തുടർന്നാണു തീരുമാനം. നിലവിലുള്ള സ്വകാര്യ ബസുകളുടെ പെർമിറ്റുകൾ സംരക്ഷിക്കണമെന്ന ആവശ്യവുമായാണു സമരത്തിനു ആഹ്വാനം ചെയ്തത്.

സ്വകാര്യ ബസുകൾക്കു പെർമിറ്റുള്ള റൂട്ടുകളിൽ അതു റദ്ദാക്കി കെഎസ്ആർടിസിയുടെ ആവശ്യപ്രകാരം അവർക്കു പെർമിറ്റ് നൽകുന്നത് അവസാനിപ്പിക്കണം എന്നതാണു പ്രധാന ആവശ്യം. ഫാസ്റ്റ്, സൂപ്പർഫാസ്റ്റ് പെർമിറ്റുകൾ ഉണ്ടായിരുന്ന 241 സ്വകാര്യ ബസുകളിൽ 160 പെർമിറ്റുകളും കെഎസ്ആർടിസി ഏറ്റെടുത്തതായും ആരോപണം ഉണ്ടായിരുന്നു. ഇക്കാര്യങ്ങളിൽ അനുകൂലമായ തീരുമാനമുണ്ടാകുമെന്ന ഉറപ്പിലാണു സമരം പിൻവലിച്ചത്.

keywords: bus-strike-cancel