തൃക്കരിപ്പൂരില്‍ സൗജന്യ വൈഫൈ നിലവില്‍ വന്നു

തൃക്കരിപ്പൂര്‍: (www.evisionnews.in)  വിവരസാങ്കേതികവിദ്യയുടെ സാധ്യതകള്‍ പ്രയോജനപ്പെടുത്തി രാജ്യത്ത് ആദ്യമായി ഗ്രാമപ്പഞ്ചായത്ത് തലത്തില്‍ സൗജന്യ വൈഫൈ സംവിധാനമൊരുക്കിയ തൃക്കരിപ്പൂര്‍ ഗ്രാമപ്പഞ്ചായത്ത് വൈഫൈ പ്രഖ്യാപനം മന്ത്രി ഡോ. എം.കെ.മുനീര്‍ നിര്‍വഹിച്ചു. തനത് ഫണ്ടില്‍ 48 ലക്ഷം രൂപ ചെലവില്‍ നിര്‍മിച്ച ബസ് സ്റ്റാന്‍ഡ് ഷോപ്പിങ് കോംപ്ലക്‌സിന്റെ ഉദ്ഘാടനവും മന്ത്രി നിര്‍വഹിച്ചു.

ഗ്രാമപ്പഞ്ചായത്ത് പ്രസിഡന്റ് എ.ജി.സി.ബഷീര്‍ അധ്യക്ഷത വഹിച്ചു. പഞ്ചായത്തില്‍ പുതുതായി ഏര്‍പ്പെടുത്തിയ ടോക്കണ്‍ സിസ്റ്റത്തിന്റെയും ടച്ച് സ്‌ക്രീന്‍ സംവിധാനത്തിന്റെയും സ്വിച്ച് ഓണ്‍ സംസ്ഥാന കരകൗശലവികസന കോര്‍പ്പറേഷന്‍ ചെയര്‍മാന്‍ എം.സി.ഖമറുദ്ദീന്‍ നിര്‍വഹിച്ചു. കെ.രമേശന്‍ റിപ്പോര്‍ട്ട് അവതരിപ്പിച്ചു. പി.വി.പദ്മജ, അഡ്വ. എം.ടി.പി.കരീം, ടി.അജിത, കെ.യു.പ്രേമലത, ടി.ശ്യാമള, സത്താര്‍ വടക്കുമ്പാട്, സി.രവി, ടി.വി.ബാലകൃഷ്ണന്‍, എം.ഗംഗാധരന്‍, ടി.ഗംഗാധരന്‍, കെ.വി.ലക്ഷ്മണന്‍ എന്നിവര്‍ പ്രസംഗിച്ചു. വി.കെ.ബാവ സ്വാഗതവും പി.പി.രഘുനാഥന്‍ നന്ദിയും പറഞ്ഞു.

Keywords: Free wifi, Thrikkarippur, Dr. M.K Muneer, Bus stand shopping complex, Panchayath President,