തെരുവുനായക്കളുടെ അക്രമണത്തില്‍ വിദ്യാര്‍ഥിനി ഉള്‍പ്പെടെ മൂന്നുപേര്‍ ആശുപത്രിയില്‍

നീലേശ്വരം (www.evisionnews.in): തെരുവുനായ്ക്കളുടെ കടിയേറ്റ് സ്‌കൂള്‍ വിദ്യാര്‍ഥിനിയേയും രണ്ടു യുവാക്കളേയും ജില്ലാആശുപത്രിയില്‍ പ്രവേശിപ്പിച്ചു. നീലേശ്വരം പൊയാംപുറത്തെ അശോകന്റെ മകളും കയ്യൂര്‍ ഗവ. ഹയര്‍സെക്കന്ററി സ്‌കൂളിലെ വിദ്യാര്‍ഥിനിയുമായ അഖില (15), നീലേശ്വരം തോട്ടപ്പുറത്തെ ജയന്‍ (32), കാലിച്ചാനടുക്കം കലയന്തത്തെ ടി പ്രദീപ്(34) എന്നിവര്‍ക്കാണ് തെരുവുനായ്ക്കളുടെ കടിയേറ്റത്. 

വെള്ളിയാഴ്ച രാവിലെ ഒന്‍പതോടെ സ്‌കൂളില്‍പോകുന്നതിന് ബസ്സ് കയറാന്‍ നീലേശ്വരം പള്ളിക്കര ബസ്‌സ്റ്റോപ്പിലേക്ക് നടന്നുപോകുകയായിരുന്ന അഖിലയുടെ കാലില്‍ തെരുവുനായ ചാടി വീണ് കടിക്കുകയായിരുന്നു. പെണ്‍കുട്ടിയുടെ നിലവിളി കേട്ടെത്തിയ ജയനേയും നായ അക്രമിക്കുകയായിരുന്നു. രാവിലെ കാലിച്ചാനടുക്കം ടൗണില്‍വച്ചാണ് പ്രദീപിനെ നായകടിച്ചത്.

Keywords: Kasasaragod-student-dog-hospital-kalichaladukkam-attack