ജില്ലയിലെ എല്ലാ പഞ്ചായത്തുകളിലും സമാധാന യോഗങ്ങള്‍ ചേര്‍ന്ന് ചെറിയ പ്രശ്‌നങ്ങള്‍ അവിടെ വച്ചു തന്നെ പരിഹരിക്കണം. കൂടാതെ വാറ്റുചാരായം, അനധികൃത മദ്യവില്‍പ്പന തടയാന്‍ പഞ്ചായത്ത്തല ജനകീയ സമിതികള്‍ചേരണം. പോലീസിന്റെ ശ്രദ്ധ തിരിച്ചുവിടാന്‍ മദ്യ-മണല്‍ മാഫിയകള്‍ നടത്തുന്ന ശ്രമം ജനങ്ങള്‍ തിരിച്ചറിയണം. ജില്ലയില്‍ പലേയിടത്തും മയക്ക്മരുന്ന് വില്‍പ്പന നടന്നുവരുന്നതായി വിവരം ലഭിച്ചതായും മാതാപിതാക്കളും കുടംബാംഗങ്ങളും കുട്ടികള്‍ മയക്കുമരുന്നിന്റെ കെണിയില്‍പെടാതിരിക്കാന്‍ അതീവ ജാഗ്രത പാലിക്കണമെന്ന് യോഗം നിര്‍ദ്ദേശിച്ചു. ജനകീയ പോലീസിന്റെ പ്രവര്‍ത്തനം കാര്യക്ഷമമാക്കണമെന്നും അംഗങ്ങള്‍ ചൂണ്ടിക്കാട്ടി. ജനകീയ പോലീസിന്റെ ഇടപെടല്‍ മൂലം നാട്ടിലെ പല പ്രശ്‌നങ്ങളും സമാധാനപരമായി പരിഹരിക്കാന്‍ സാധിച്ചിരുന്നു.എന്നാല്‍ ഇപ്പോള്‍ അതിന്റെ പ്രവര്‍ത്തനം കാര്യക്ഷമമല്ല.
രാഷ്ട്രീയപാര്‍ട്ടികളുടെയും മറ്റ് സംഘടനകളുടെയും ഫ്‌ളക്‌സ് ബോര്‍ഡുകള്‍, കൊടിതോരണങ്ങള്‍ സ്ഥാപിക്കുന്നത് മൂലം ഉണ്ടാകുന്ന തര്‍ക്കങ്ങള്‍ ജില്ലയില്‍ സംഘര്‍ഷത്തിനു കാരണമാവുന്നതായും ആയതിനാല്‍ കൊടിതോരണങ്ങള്‍ നിരോധിക്കണമെന്ന് പി.എ അഷറഫ് എന്നയാള്‍ ഹൈക്കോടതിയില്‍ നല്‍കിയ റിറ്റ് പെറ്റീഷനില്‍ കോടതിക്ക്മറുപടി നല്‍കേണ്ട കാര്യങ്ങള്‍ യോഗം ചര്‍ച്ച ചെയ്തു. എന്നാല്‍ കൊടിതോരണങ്ങള്‍ മൂലമല്ല ഇവിടെ പ്രശ്‌നമുണ്ടാകുന്നതെന്ന് കോടതിയെ ബോധ്യപ്പെടുത്തണമെന്ന് യോഗത്തില്‍ രാഷ്ട്രീയപാര്‍ട്ടി നേതാക്കന്‍മാര്‍ നിര്‍ദ്ദേശിച്ചു. (www.evisionnews.in)
റോഡിനു കുറുകെ കമാനങ്ങള്‍ സ്ഥാപിക്കുന്നത്തടഞ്ഞുകൊണ്ടുളള കോടതി ഉത്തരവ് കര്‍ശനമായി പാലിക്കണമെന്നും യോഗം നിര്‍ദ്ദശിച്ചു. ഫ്‌ളക്‌സ് ബോര്‍ഡുകള്‍, കൊടിതോരണങ്ങള്‍ സ്ഥാപിച്ച പാര്‍ട്ടികള്‍, സംഘടനകള്‍ പരിപാടി കഴിഞ്ഞ് 24 മണിക്കൂറിനകം നീക്കം ചെയ്യണമെന്ന് നേരത്തെ എടുത്ത തീരുമാനം നടപ്പിലാക്കാനും യോഗം തീരുമാനിച്ചു. ബസ് വെയിറ്റിങ്ങ് ഷെഡ്ഡുകള്‍ക്ക് ഏതെങ്കിലും പാര്‍ട്ടിയോ സംഘടനകളോ ചായമടിക്കാന്‍ പാടില്ല. അടുത്തു വരുന്ന നവരാത്രി , പെരുന്നാള്‍ ഉത്സവം സമാധാനപരമായി ആഘോഷിക്കാന്‍ എല്ലാ വിഭാഗക്കാരും സഹകരിക്കണമെന്ന് യോഗം അഭ്യര്‍ത്ഥിച്ചു.
യോഗത്തില്‍ കെ.കുഞ്ഞിരാമന്‍ എംഎല്‍എ (ഉദുമ), സബ്കളക്ടര്‍ കെ. ജീവന്‍ ബാബു, ഡി.വൈഎസ്പി കെ. ഹരിശ്ചന്ദ്ര നായിക്ക്, കാഞ്ഞങ്ങാട് മുനിസിപ്പല്‍ ചെയര്‍പേഴ്‌സണ്‍ കെ. ദിവ്യ, നീലേശ്വരം മുനിസിപ്പല്‍ വൈസ് ചെയര്‍പേഴ്‌സണ്‍ ടി.വി ശാന്ത,വിവിധരാഷ്ട്രീയപാര്‍ട്ടി നേതാക്കന്‍മാരായ കെ.പി സതീഷ് ചന്ദ്രന്‍, എം.സി ഖമറുദ്ദീന്‍, ജി. ചന്ദ്രന്‍, ഷാഫി ചെമ്പിരിക്ക,പി.വി മൈക്കേല്‍, പി. കമ്മാരന്‍, ബി.എം സുഹൈല്‍, ടി. കൃഷ്ണന്‍, അസീസ് കടപ്പുറം ,എ. കുഞ്ഞിരാമന്‍ നായര്‍, പി.കെ ഫൈസല്‍,എസ്.കുമാര്‍, നാഷണല്‍ അബ്ദുളള, ഉബൈദുളള കടവത്ത,് ഹുസൈന്‍ സിറ്റിസണ്‍, പാദാര്‍ മുസ്തഫ, തഹസില്‍ദാര്‍മാര്‍ മറ്റ് ഉന്നതല ഉദ്യോഗസ്ഥര്‍ പങ്കെടുത്തു.
keywords : police-strong-district-piece-situation
Post a Comment
0 Comments