കാസര്കോട്: കെ.എസ്.ആര്.ടി.സി ബസില് നിന്ന് വയോധിക റോഡിലേക്ക് തെറിച്ചുവീണു. കരിവേടകം ശങ്കരംപാടി കുളിയംകുളത്തെ തമ്പായി (75)ക്കാണ് പരിക്കേറ്റത്. കഴിഞ്ഞ ദിവസം കുറ്റിക്കോല് ടൗണിലാണ് സംഭവം. കാസര്കോട്- ബന്തടുക്ക റൂട്ടിലോടുന്ന പ്രിയദര്ശിനി സ്ത്രീ സൗജന്യ യാത്രയുള്ള കെ.എസ്.ആര്.ടി.സി ബസിലാണ് അപകടമുണ്ടായത്. തിരക്കിനിടെ ഇറങ്ങുന്നതിനിടെയുണ്ടായ തള്ളലിലാണ് തമ്പായി തെറിച്ചുവീണത്. വയോധിക റോഡിലേക്ക് തെറിച്ചുവീണിട്ടും ബസ് നിര്ത്താതെ പോയതായി പരാതിയുണ്ട്. തമ്പായിയെ കാസര്കോട്ടെ സ്വകാര്യ ആശുപത്രിയില് പ്രവേശിപ്പിച്ചു.
Post a Comment
0 Comments