ഇന്ധനവില കുതിച്ചുയര്ന്നതോടെ രാജ്യത്തെ വിമാന സര്വീസുകള് ഏതുനിമിഷവും നിലച്ചേക്കാമെന്ന് വിമാനക്കമ്പനികളുടെ കൂട്ടായ്മയായ ഫെഡറേഷന് ഓഫ് ഇന്ത്യന് എയര്ലൈന്സ് അഥവാ എഫ്ഐഎ സര്ക്കാരിന് മുന്നറിയിപ്പ് നല്കി. പശ്ചിമേഷ്യന് സംഘര്ഷം തുടരുന്ന സാഹചര്യത്തില് ഇന്ധനവില പിടിച്ചു കെട്ടാനാവാതായതോടെയാണ് എയര് ഇന്ത്യ, ഇന്ഡിഗോ, സ്പൈസ് ജെറ്റ് തുടങ്ങിയ പ്രമുഖ കമ്പനികള് ഉള്പ്പെടുന്ന സംഘടന സിവില് ഏവിയേഷന് മന്ത്രാലയത്തിന് കത്ത് അയച്ചത്.
ഇന്ധനവില വര്ധിക്കുന്ന സാഹചര്യത്തില് വിമാന സര്വീസുകള് നിര്ത്തിവെക്കേണ്ട അവസ്ഥയാണുള്ളതെന്ന് വിമാനക്കമ്പനികള് അയച്ച കത്തില് ആശങ്ക അറിയിച്ചു. ഇന്ത്യയിലെ എയര്ലൈന് വ്യവസായം കടുത്ത സമ്മര്ദ്ദത്തിലാണെന്നും പ്രവര്ത്തനങ്ങള് നിര്ത്തിവെക്കേണ്ട അവസ്ഥയിലാണുള്ളതെന്നും വ്യക്തമാക്കി അടിയന്തര ഇടപെടല് ആവശ്യപ്പെട്ടാണ് എഫ്ഐഎ കേന്ദ്ര വ്യോമയാന മന്ത്രാലയത്തിന് കത്ത് കൈമാറി.
Post a Comment
0 Comments