Type Here to Get Search Results !

Bottom Ad

ജില്ലാ സെക്രട്ടറിയേറ്റിലേക്ക് എടുത്തില്ല, പി.കെ ശശി ഒറ്റപ്പാലത്ത് ഇടതു വിമത സ്ഥാനാര്‍ഥിയാകും


സിപിഎം ജില്ലാ സെക്രട്ടറിയേറ്റിലെടുക്കാത്തതിനെ തുടര്‍ന്ന് സിപിഎമ്മുമായി അകന്നതിന് പിന്നാലെ കെടിഡിസി ചെയര്‍മാന്‍ സ്ഥാനത്ത് നിന്ന് പി.കെ.ശശി രാജിവെച്ചു. കെടിഡിസി ചെയര്‍മാന്‍ സ്ഥാനത്ത് നിന്ന് ശശിയെ പുറത്താക്കാന്‍ സിപിഎമ്മും നീക്കം തുടങ്ങിയതിനിടയിലാണ് പി കെ ശശിയുടെ രാജി. ഷൊര്‍ണ്ണൂര്‍ മുന്‍ എംഎല്‍എ ആയിരുന്ന ശശിയെ സിപിഎം ജില്ലാ കമ്മിറ്റിയില്‍നിന്ന് ബ്രാഞ്ചിലേക്ക് തരംതാഴ്ത്തിയിരുന്നു. കെടിഡിസി ചെയര്‍മാന്‍ സ്ഥാനം രാജിവെച്ച പി.കെ. ശശി എല്‍ഡിഎഫിനെതിരെ ഒറ്റപ്പാലത്ത് വിമത സ്ഥാനാര്‍ഥിയായേക്കുമെന്ന സൂചനയുണ്ട്.

സിപിഎം ജില്ലാ സെക്രട്ടേറിയേറ്റിലേക്ക് എടുക്കണമെന്ന ആവശ്യം പാര്‍ട്ടി തള്ളിയതിനെ തുടര്‍ന്നാണ് പി.കെ. ശശി കെടിഡിസി ചെയര്‍മാന്‍ സ്ഥാനം രാജിവെച്ചതെന്നാണ് വിവരം. ഇതിന് പുറമെ തന്നോടൊപ്പം നടപടി നേരിട്ടവരെ തിരിച്ചെടുക്കണമെന്ന ശശിയുടെ ആവശ്യവും പാര്‍ട്ടി അംഗീകരിച്ചിരുന്നില്ല. നേരത്തെ പലതരത്തിലുള്ള സമവായ ചര്‍ച്ചകള്‍ പി.കെ. ശശിയുമായി സിപിഎം നടത്തിയിരുന്നു. ഇതിലൊന്നും പ്രശ്നങ്ങളില്‍ പരിഹാരമുണ്ടാകാത്തതിനെ തുടര്‍ന്നാണ് രാജിയെന്നാണ് വിവരം.
Tags

Post a Comment

0 Comments

Top Post Ad

Below Post Ad