മലപ്പുറം: ഡിസ്ചാര്ജ്ജ് ചെയ്ത രോഗിയെ ബില്ല് അടക്കുന്നതുവരെ ആശുപത്രിയില് തടഞ്ഞുവെയ്ക്കാനാവില്ലെന്ന് മലപ്പുറം ജില്ലാ ഉപഭോക്തൃ കമ്മീഷന്. മലപ്പുറം ചുങ്കത്തറ സ്വദേശി നല്കിയ പരാതിയിലാണ് കമ്മീഷന്റെ നടപടി. ഇന്ഷ്യൂറന്സ് കമ്പനിയും സ്വകാര്യ ആശുപത്രിയും 30,000 രൂപ രോഗിയ്ക്ക് നഷ്ടപരിഹാരം നല്കണെമന്നും വിധിച്ചു. 2024 സെപ്റ്റംബര് 18നാണ് ചുങ്കത്തറ സ്വദേശി കോയക്കുട്ടിയുടെ മകന് ശ്വാസതടസം അനുഭവപ്പെട്ടതിനെ തുടര്ന്ന് സ്വകാര്യ ആശുപത്രിയില് സര്ജറി നടത്തിയത്. സെപ്റ്റംബര് 19ന് ഡിസ്ചാര്ജ്ജ് ആവുകയും ചെയ്തു. ചികിത്സക്ക് അഡ്വാന്സ് ആയി 11,000 രൂപ ഇന്ഷുറന്സ് അനുവദിച്ചെങ്കിലും 66,500 രൂപക്ക് പകരം 41,800 രൂപ മാത്രമാണ് ഇന്ഷുറന്സ് തുക അനുവദിച്ചത്. കൂടുതല് തുക അനുവദിക്കാന് കഴിയില്ലെന്നായിരുന്നു ഇന്ഷുറന്സ് കമ്പനി അറിയിച്ചത്. ബന്ധുക്കളില് നിന്നും കടം വാങ്ങി ബില്ല് പൂര്ണമായും അടച്ച ശേഷം വൈകിട്ടാണ് കോയക്കും കുടുംബത്തിനും ആശുപത്രി വിട്ടുപോകാന് കഴിഞ്ഞത്.
Post a Comment
0 Comments