മുള്ളേരിയ: രാപ്പകല് വ്യത്യാസമില്ലാതെ കാട്ടുപന്നിക്കൂട്ടം റോഡിലിറങ്ങുന്നത് ഇരുചക്ര വാഹനയാത്രക്ക് ഭീഷണിയാവുന്നു. കഴിഞ്ഞ ദിവസം രാവിലെ നുസ്റത്ത് നഗറില് കാട്ടുപന്നിയുടെ ആക്രമത്തില് സ്കൂട്ടര് യാത്രക്കാരന് പരിക്കേറ്റു. ബാവിക്കര നുസ്റത്ത് നഗര് സൗത്തില് താമസിക്കുന്ന തെക്കിലിലെ മുത്തലിബി(47) നാണ് പരിക്കേറ്റത്. വീട്ടില് നിന്ന് ബോവിക്കാനത്തെ പള്ളിയിലേക്ക് പോകുന്നതിനിടെ ബോവിക്കാനം-ഇരിയണ്ണി റോഡിന് സമീപം എത്തിയപ്പോള് റോഡിന് കുറുകെ ചാടിയ പന്നിക്കൂട്ടം സ്കൂട്ടറില് ഇടിച്ചു വീഴ്ത്തുകയായിരുന്നു.ഗുരുതരമായി പരിക്കേറ്റ മുത്തലിബിനെ നാട്ടുകാര് ഉടന് തന്നെ ചെങ്കളയിലെ ആശുപത്രിയില് എത്തിച്ചു.
Post a Comment
0 Comments