കാസര്കോട്: സംസ്ഥാനത്ത് മഴ മുന്നറിയിപ്പില് മാറ്റം. മഴ ശക്തമാകുന്ന സാഹചര്യത്തില് കണ്ണൂര്, കാസര്കോട് ജില്ലകളില് നാളെ ശനിയാഴ്ച റെഡ് അലേര്ട്ട് പ്രഖ്യാപിച്ചു. അതിശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്. 10 ജില്ലകളില് കേന്ദ്രകാലാവസ്ഥാ വകുപ്പ് ഇന്ന് ഓറഞ്ച് അലേര്ട്ട് പ്രഖ്യാപിച്ചു. കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് അതിശക്തമായ മഴയ്ക്ക് സാധ്യതയുള്ളത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് ഇന്ന് യെല്ലോ അലേര്ട്ടാണ്. ഒമ്പതു ജില്ലകളില് നാളെ ഓറഞ്ച് അലേര്ട്ടുമുണ്ട്. പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഓറഞ്ച് അലേര്ട്ട്. ഞായറാഴ്ച അഞ്ച് ജില്ലകളില് റെഡ് അലേര്ട്ടും ഒമ്പത് ജില്ലകളില് ഓറഞ്ച് അലേര്ട്ടുമാണ്.
Post a Comment
0 Comments