കാസര്കോട്: ഒന്നിച്ചു താമസിക്കുന്ന യുവതിയെ കൊല്ലാന് ശ്രമിച്ച കേസില് പ്രതിയായ പൊലീസുകാരനെ അന്വേഷണ വിധേയമായി സസ്പെന്റ് ചെയ്തു. വിദ്യാനഗര് സ്റ്റേഷനിലെ സിവില് പൊലീസ് ഓഫീസറും തിരുവനന്തപുരം സ്വദേശിയുമായ ബൈജു (40)വിനെയാണ് ജില്ലാ പൊലീസ് മേധാവി ഡി. ശില്പ്പ സസ്പെന്റ് ചെയ്തത്. ബേള, തൈവളപ്പിലെ സുജാതയുടെ പരാതി പ്രകാരമാണ് കേസ്.
വര്ഷങ്ങളായി സുജാതയും ബൈജുവും ഭാര്യാഭര്ത്താക്കന്മാരെ പോലെ ഒന്നിച്ചാണ് താമസിച്ചിരുന്നത്. ജനുവരി 25ന് വീട്ടിലെത്തിയ ബൈജു കത്തികാട്ടി ഭീഷണിപ്പെടുത്തുകയും സ്വന്തം കാര് തകര്ക്കുകയും ചെയ്തിരുന്നു. ഇതുസംബന്ധിച്ച് സുജാത ബദിയടുക്ക പൊലീസില് പരാതി നല്കിയിരുന്നു. ഇതിന്റെ പേരില് പിറ്റേദിവസം രാത്രി സുജാതയെ അടിക്കുകയും സുജാതയെയും മകളെയും കൊല്ലുമെന്ന് ഭീഷണിപ്പെടുത്തി വെട്ടുകത്തിയെടുത്ത് സുജാതക്കു നേരെ വീശുകയും ചെയ്തു. ഈപരാതിയിലാണ് ബൈജുവിനെതിരെ ബദിയടുക്ക പൊലീസ് നരഹത്യാശ്രമത്തിനു കേസെടുത്ത് അറസ്റ്റു ചെയ്തത്. പ്രതി റിമാന്റിലാണ്.
Post a Comment
0 Comments