തൊടുപുഴ പെരുമാങ്കണ്ടത്ത് ആളൊഴിഞ്ഞ പറമ്പിൽ നിർത്തിയിട്ട കാർ കത്തിഒരാൾക്ക് ദാരുണാന്ത്യം. കാറിനകത്ത് കത്തിക്കരിഞ്ഞ നിലയിലാണ് മൃതദേഹം. മുൻ ബാങ്ക് ഉദ്യോഗസ്ഥനും കുമാരമംഗലം സ്വദേശിയുമായ സിബിയാണ് മരിച്ചത്. ബന്ധുക്കൾ മൃതദേഹം സിബിയുടേതാണെന്ന് തിരിച്ചറിഞ്ഞു. ശനിയാഴ്ച ഉച്ചയോടെയാണ് സംഭവം.
ആളൊഴിഞ്ഞ പറമ്പിൽ കാർ കത്തുന്നതു കണ്ട പ്രദേശവാസികൾ അഗ്നിരക്ഷാസേനയെ വിവരമറിയിക്കുകയായിരുന്നു. തുടർന്ന് അഗ്നിരക്ഷാസേനയും നാട്ടുകാരും ചേർന്ന് തീയണച്ചു.കാർ സിബിയുടെ ഉടമസ്ഥതയിലുള്ളതാണ്. കത്തുന്നതിന് മിനിറ്റുകൾക്ക് മുൻപ് ഇദ്ദേഹം വണ്ടിയോടിച്ചുപോവുന്നത് കണ്ടിരുന്നതായി നാട്ടുകാർ പറയുന്നു.
Post a Comment
0 Comments