കാസര്കോട്: മുളിയാര് പഞ്ചായത്തിലെ രണ്ടു സ്ഥലങ്ങളില് പുലികളിറങ്ങി. പേരടുക്കത്തും കര്മ്മന്തൊടിയിലുമാണ് പുലിയെ കണ്ടത്. കര്മ്മന്തൊടിയില് നിന്നു ട്യൂഷന് ക്ലാസ് കഴിഞ്ഞ് ഇന്നലെ വൈകുന്നേരം വീട്ടിലേയ്ക്ക് നടന്നു പോവുകയായിരുന്ന പെണ്കുട്ടിയാണ് ഒരു വലിയ പുലിയെയും രണ്ടു പുലിക്കുഞ്ഞുങ്ങളെയും കണ്ടതായി അറിയിച്ചത്. നേരത്തെ ഈ പെണ്കുട്ടിയുടെ മാതാവിനു മുന്നിലും പുലി ചാടിയ സംഭവം ഉണ്ടായിരുന്നു. വിവരമറിഞ്ഞ് ആര്.ആര്.ടി സംഘം സ്ഥലത്തെത്തി നിരീക്ഷണം നടത്തി. പേരടുക്കത്ത് ഞായറാഴ്ച ഉച്ചയ്ക്ക് 12.30 മണിയോടെയാണ് പുലിയെ കണ്ടത്. കേബിള് ജീവനക്കാരനായ ഒരാള് സ്കൂട്ടറില് സഞ്ചരിക്കുന്നതിനിടയിലാണ് പുലി റോഡിനു കുറുകെ ഓടിപ്പോയത്. പുലിയുടെ സാന്നിധ്യം സ്ഥിരമായതോടെ ജനങ്ങള് കടുത്ത ഭീതിയിലാണ്. സ്കൂളില് പോകാന് പോലും കുട്ടികള് ഭയപ്പെടുന്ന സാഹചര്യമാണ് നിലവിലുള്ളതെന്നു നാട്ടുകാര് പറഞ്ഞു.
Post a Comment
0 Comments