കാസര്കോട്: ചെര്ക്കളയില് സ്കൂട്ടറും കാറും കൂട്ടിയിടിച്ച് കുമ്പളയിലെ യുവ വ്യാപാരി മരിച്ചു. മൊഗ്രാല് കുട്ടിയാന് വളപ്പ് ഖുത്തുബിന് നഗറിലെ കബീര് ഫിദ (33) ആണ് മരിച്ചത്. വ്യാഴാഴ്ച ഉച്ചയ്ക്ക് 1.45ഓടെ ചെര്ക്കള കെകെ പുറത്തെ പുതുതായി പണിയുന്ന ആശുപത്രി സമീപത്തായിരുന്നു അപകടം സംഭവിച്ചത്. കാറും സ്കൂട്ടറും കൂട്ടിയിടിച്ചതിനെ തുടര്ന്നു ഗുരുതരമായി പരിക്കേറ്റ കബീറിനെ കാസര്കോട്ട് സ്വകാര്യ ആശുപത്രിയിലും പിന്നീട് മംഗളൂരിലേക്ക് കൊണ്ടുപോകവേ മരിക്കുകയായിരുന്നു. കുമ്പള മീപ്പിരി സെന്ററില് ഡ്രസ് സ്ഥാപന ഉടമയായിരുന്നു. പരേതനായ മമ്മു- മറിയമ്മ ദമ്പതികളുടെ മകനാണ്. ഫാത്തിമയാണ് ഭാര്യ. ഇസാബ്, ഹാസിം എന്നിവര് മക്കളാണ്. സഹോദരങ്ങള്: അബ്ദുള്ള, അബ്ബാസ്, ബഷീര്, സുബൈദ, ഹാജിറ, മിസിരിയ.
Post a Comment
0 Comments