ലോക്‌സഭ തെരഞ്ഞെടുപ്പില്‍ കോട്ടയം മണ്ഡലത്തില്‍ എന്‍ഡിഎ സ്ഥാനാര്‍ത്ഥിയായിരുന്ന മകന്‍ തുഷാര്‍ വെള്ളാപ്പള്ളി ജയിക്കുമോയെന്ന് അറിയില്ലെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. തുഷാറിനോട് മത്സരിക്കണ്ട എന്ന് പറഞ്ഞിരുന്നു. ഈഴവ വോട്ടുകള്‍ മുഴുവന്‍ തുഷാറിന് കിട്ടാന്‍ ഒരു സാധ്യതയുമില്ലെന്നും അദ്ദേഹം പറഞ്ഞു.
തൃശൂരില്‍ സുരേഷ് ഗോപി ജയിക്കാനും യാതൊരു സാധ്യതയില്ലെന്നും അദേഹം വ്യക്തമാക്കി. അദ്ദേഹം ഒരു രാഷ്ട്രീയക്കാരനല്ല, സിനിമാക്കാരനാണ്. രാഷ്ട്രീയക്കാരന്റെ അടവുകളോ മെയ്‌വഴക്കമോ ഇല്ലാത്തതതിന്റെ എല്ലാ കുഴപ്പങ്ങളും അവിടെ സംഭവിച്ചിട്ടുണ്ടെന്നും അദ്ദേഹം പറഞ്ഞു.
മൊത്തത്തില്‍ വിജയം യുഡിഎഫിനാകുമെന്നും വെള്ളാപ്പള്ളി പറഞ്ഞു. കഴിഞ്ഞ തവണത്തെ സീറ്റിന് സാധ്യത ഇല്ല. തിരുവനന്തപുരത്തും ആലപ്പുഴയിലും നടന്നത് കടുത്ത മത്സരമാണ്. മുന്‍പ് ബിജെപി നേടിയതിനേക്കാള്‍ വോട്ട് ശോഭ സുരേന്ദ്രന് ലഭിക്കും.
Post a Comment
0 Comments