കൊച്ചി: സ്കൂളുകളില് കളിസ്ഥലങ്ങള് നിര്ബന്ധമെന്ന് ഹൈക്കോടതി. ചട്ടമനുസരിച്ചുള്ള കളിസ്ഥലങ്ങളില്ലാത്ത സ്കൂളുകള്ക്കെതിരെ ശക്തമായി നടപടി സ്വീകരിക്കണമെന്നും കോടതി വ്യക്തമാക്കി. സ്കൂളുകള് അടച്ചുപൂട്ടുന്നതടക്കമുള്ള നടപടികള് സ്വീകരിക്കാനാണ് നിര്ദേശം. സ്കൂളുകളില് കളിസ്ഥലങ്ങള് ഏത് അളവില് വേണം എന്നതിനെക്കുറിച്ച് സര്ക്കാര് മാര്ഗനിര്ദേശങ്ങള് പുറത്തിറക്കണം. കളിസ്ഥലങ്ങളില് ഒരുക്കേണ്ട സൗകര്യങ്ങളെ കുറിച്ചും വ്യക്തമാക്കണം. നാലുമാസത്തിനുള്ളില് മാര്ഗനിര്ദേശങ്ങള് പുറത്തിറക്കാനാണ് നിര്ദേശം. കൊല്ലം തേവായൂര് ഗവണ്മെന്റ് വെല്ഫയര് എല്.പി സ്കൂളിന്റെ കളിസ്ഥലത്ത് വാട്ടര് ടാങ്ക് നിര്മിക്കുന്നത് ചോദ്യംചെയ്ത് നല്കിയ ഹരജി പരിഗണിക്കവെയാണ് ഹൈക്കോടതി നിര്ദേശം.
Post a Comment
0 Comments