പത്തനംതിട്ട: ഏഴംകുളം ക്ഷേത്രത്തിൽ തൂക്ക വഴിപാടിനിടെ 10 മാസം പ്രായമായ കുഞ്ഞ് താഴെവീണ സംഭവത്തില് പൊലീസ് സ്വമേധയ കേസെടുത്തു. തൂക്കവില്ലിലെ തൂക്കക്കാരൻ അടൂർ സ്വദേശി സിനുവിനെ പ്രതി ചേർത്താണ് അടൂർ പൊലീസ് സ്വമേധയ കേസെടുത്തത്. സിനുവിന്റെ അശ്രദ്ധ കൊണ്ടാണ് കുഞ്ഞിന് വീണ് പരിക്കേറ്റതെന്നാണ് എഫ്ഐആറില് പറയുന്നത്.
മുകളില് നിന്ന് താഴെ വീണ് പരിക്കേറ്റ കുഞ്ഞ് ആശുപത്രിയില് ചികിത്സയിലാണ്. സംഭവത്തില് നടപടിയെടുക്കാന് സംസ്ഥാന ബാലാവകാശ കമ്മീഷന് ചെയര്മാന് ഇന്നലെ നിര്ദ്ദേശം നല്കിയിരുന്നു. ജില്ലാ ശിശു സംരക്ഷണ സമിതിയോടാണ് നടപടിയെടുക്കാന് ബാലാവകാശ കമ്മീഷന് നിര്ദേശം നല്കിയത്.
Post a Comment
0 Comments