കേരളം (www.evisionnews.in): ഇന്ധനവില വര്ധനവിനെതിരെ പ്രതിപക്ഷം അടിയന്തര പ്രമേയത്തിന് നോട്ടീസ് നല്കി. ഇന്ധന വിലവര്ദ്ധനവ് സഭ നിര്ത്തിവെച്ച് ചര്ച്ച ചെയ്യണമെന്ന് ആവശ്യപ്പെട്ട് ഷാഫി പറമ്പില് എംഎല്എയാണ് നോട്ടീസ് നല്കിയത്. ഇന്ധന വില വര്ദ്ധനവ് ചരിത്രത്തില് ഏറ്റവും ഉയര്ന്ന നിരക്കില് എത്തിയ സാഹചര്യത്തില് കേന്ദ്ര-സംസ്ഥാന സര്ക്കാരുകള് അധിക നികുതി ചുമത്തുന്നത് ഒഴിവാക്കണമെന്നാണ് പ്രതിപക്ഷം അടിയന്തര പ്രമേയ നോട്ടീസില് ആവശ്യപ്പെട്ടിരിക്കുന്നത്.
അതേസമയം രാജ്യത്ത് ഇന്ധനവില ഇന്നും കൂട്ടി. ഒരു ലിറ്റര് പെട്രോളിന് 48 പൈസയാണ് ഇന്ന് കൂട്ടിയത്. ഡീസലിന് ഇന്ന് വില കൂട്ടിയിട്ടില്ല. തിരുവനന്തപുരത്ത് പെട്രോള് വില 112 രൂപ 73 പൈസയും കോഴിക്കോട് 111 രൂപ 18 പൈസയാണ്. കൊച്ചിയില് പെട്രോളിനു 110.26 രൂപയാണ്. ഒരു മാസത്തിനിടെ പെട്രോളിന് ഏഴ് രൂപ എണ്പത്തിരണ്ട് പൈസയും ഡീസലിന് എട്ട് രൂപ എഴുപത്തൊന്ന് പൈസയുമാണ് കൂടിയത്.
Post a Comment
0 Comments