അടുത്ത മൂന്നുമണിക്കൂറില്‍ ഒമ്പത് ജില്ലകളില്‍ ഇടിമിന്നലോട് കൂടിയ മഴയ്ക്ക് സാധ്യത

കേരളം (www.evisionnews.co): വെള്ളിയാഴ്ച രാവിലെ സംസ്ഥാനത്ത് പരക്കെ മഴക്ക് സാധ്യതയെന്ന് കാലാവസ്ഥ വകുപ്പ്. സംസ്ഥാനത്തെ മിക്ക ജില്ലകളിലും ഇടിമിന്നലോട് കൂടി മഴയുണ്ടാകുമെന്നാണ് അറിയിപ്പ്. കൊല്ലം, ആലപ്പുഴ, എറണാകുളം, തൃശൂര്‍, മലപ്പുറം, പാലക്കാട്, കോഴിക്കോട്, വയനാട്, കാസര്‍ഗോഡ് എന്നീ ജില്ലകളിലാണ് മിന്നലോട് കൂടിയ മഴയുണ്ടാകുമെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളത്. വ്യാഴാഴ്ച രാത്രി സംസ്ഥാനത്ത് വിവിധ ജില്ലകളില്‍ ശക്തമായ മഴയുണ്ടായിരുന്നു. തെക്കന്‍ ജില്ലകളിലും മധ്യകേരളത്തിലുമാണ് മിന്നലോട് കൂടിയ മഴ പെയ്തത്.