കാസര്‍കോട് (www.evisionnews.co): കാര്‍ഷിക വികസനത്തിനൊപ്പം കര്‍ഷകന്റെ കുടുംബ ഭദ്രതയും ഉറപ്പ് വരുത്തുന്ന കാര്‍ഷികേന്ത്യയുടെ ചരിത്രത്തില്‍ ആദ്യമായി കേരള കര്‍ഷക ക്ഷേമനിധി ബോര്‍ഡിന് സര്‍ക്കാര്‍ രൂപംനല്‍കി മന്ത്രിസഭ അംഗീകാരം നല്‍കിയതായി മുഖ്യമന്ത്രി പത്രസമ്മേളനത്തില്‍ പ്രഖ്യാപിച്ചു. കാസര്‍കോട് ജില്ലയില്‍ നിന്ന് മുന്‍ എംഎല്‍എയും സി.പി.എം സംസ്ഥാന കമ്മിറ്റി മെമ്പറുമായ അഡ്വ. സിഎച്ച് കുഞ്ഞമ്പുവും ഐ.എന്‍.എല്‍ ജില്ലാ ജനറല്‍ സെക്രട്ടറി അസീസ് കടപ്പുറവുമാണ് ഡയറക്ടര്‍മാര്‍.
ഡോ.പി രാജേന്ദ്രന്‍ ചെയര്‍മാനായ ബോര്‍ഡില്‍ 14 ഡയരക്ടര്‍മാരാണുള്ളത്. കാര്‍ഷികോല്‍പ്പാദന കമ്മീഷണര്‍, കൃഷി വകുപ്പ് സെക്രട്ടറി, കൃഷി വകുപ്പ് ഡയറക്ടര്‍, മൃഗസംരക്ഷണ വകുപ്പ് ഡയറക്ടര്‍, വിഎഫ്പിസികെ സിഇഒ, ധനവകുപ്പ് ജോയിന്റ് സെക്രട്ടറി, നിയമവകുപ്പ് ജോയിന്റ് സെക്രട്ടറി മണ്ണ് പര്യവേഷണ സംരക്ഷണ വകുപ്പ് ഡയറക്ടര്‍ തുടങ്ങിയവര്‍ അംഗങ്ങളാണ്. ലക്ഷകണക്കിന് കര്‍ഷകര്‍ക്ക് ആശ്വാസം പകരുന്ന പദ്ധതിയാണിത് .പൊതുരംഗത്ത് പലറ്റിതെളിഞ്ഞ രണ്ട് പ്രമുഖ നേതാക്കളാണ് കാസര്‍കോട് നിന്നുള്ള ബോര്‍ഡ് ഡയറക്ടര്‍മാര്‍ എന്നത് കൊണ്ടുതന്നെ ജില്ലയിലെ കര്‍ഷകര്‍ ഈ സംരഭം ഏറെ പ്രതീക്ഷ നല്‍കുന്നു.
Post a Comment
0 Comments