തൃക്കരിപ്പൂര്‍ (www.evisionnews.co): ചെന്നൈയില്‍ നിന്നും നാട്ടിലെത്തി നിരീക്ഷണ കാലാവധി പൂര്‍ത്തിയാക്കിയ യുവാവിന്റെ കോവിഡ് പരിശോധന ഫലം നെഗറ്റീവ്. പടന്ന തെക്കെപ്പുറത്തെ പരേതനായ അബ്ദുല്‍ സലാമിന്റെ മകന്‍ എംഎസ് സാബിര്‍(32) ആണ് കഴിഞ്ഞ ദിവസം കുഴഞ്ഞുവീണ് മരിച്ചത്. വെള്ളിയാഴ്ച രാവിലെ ചെറുവത്തൂര്‍ സ്വകാര്യ ആസ്പത്രിയിലായിരുന്നു അന്ത്യം. അതിനിടയില്‍ കഴിഞ്ഞദിവസമാണ് കുഴഞ്ഞുവീണതിനെ തുടര്‍ന്ന് ആസ്പത്രിയില്‍ പ്രവേശിപ്പിച്ചത്.
ചെറുവത്തൂര്‍ മെഡിക്കല്‍ ഓഫീസറുടെ നിര്‍ദ്ദേശ പ്രകാരം സ്രവമെടുത്ത് പരിശോധനക്ക് അയച്ചിരുന്നു. പരിശോധ റിപ്പോര്‍ട്ട് വരുന്നതുവരെ തൃക്കരിപ്പൂര്‍ സ്വകാര്യ ആസ്പത്രി ഫ്രീസറില്‍ സൂക്ഷിക്കുകയായിരുന്നു. കഴിഞ്ഞ ദിവസം ഉച്ചക്ക് ശേഷം നെഗറ്റീവ് ഫലം അറിഞ്ഞ ശേഷം വീട്ടില്‍ എത്തിച്ച് ജനപ്രതിനിധികളുടെയും ആരോഗ്യ പ്രവര്‍ത്തകരുടെയും നിര്‍ദ്ദേശം പാലിച്ച് പരിപാലനം നടത്തി പടന്ന വലിയ ജുമാ മസ്ജിദില്‍ മറവുചെയ്തു.
Post a Comment
0 Comments