കാസര്‍കോട് (www.evisionnews.co): പ്രവാസികളെ നാട്ടില്‍ എത്തിക്കുമെന്ന പറഞ്ഞ സര്‍ക്കാര്‍ ഇപ്പോള്‍ മുടന്തന്‍ ന്യായങ്ങള്‍ പറഞ്ഞു കൂടുതല്‍ വിമാനങ്ങള്‍ ഗള്‍ഫ് മേഖലയില്‍ നിന്നും കേരളത്തിലെ എയര്‍പോര്‍ട്ടില്‍ വന്നിറങ്ങുന്നത് ഒഴിവാക്കണമെന്ന് കേന്ദ്രത്തോട് ആവശ്യപ്പെട്ടിരിക്കുകയാണെന്ന് മുസ്ലിം ലീഗ് ജില്ലാ പ്രസിഡന്റ് ടിഇ അബ്ദുല്ല. പ്രവാസി ലീഗ് ജില്ലാ കമ്മിറ്റി സംഘടിപ്പിച്ച കലക്ട്രേറ്റ് ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സര്‍ക്കാര്‍ പ്രവാസികളുടെ മടക്കയാത്രക്ക് തടസം നില്‍ക്കുകയാണ്. വിസ കാലാവധി കഴിഞ്ഞവര്‍, ജോലി നഷ്ടപ്പെട്ടവര്‍, തൊഴിലില്ലാതെ താമസത്തിനും ഭക്ഷണത്തിനും ബുദ്ധിമുട്ടുന്നവര്‍, രോഗികള്‍, ഗര്‍ഭിണികള്‍, ചെറിയ വരുമാനക്കാരായ ആളുകള്‍ എന്നിവരെല്ലാം എത്രയുംവേഗം നാട്ടില്‍ എത്തിക്കാനുള്ള നടപടികള്‍ സര്‍ക്കാര്‍ സ്വീകരിക്കണം.
മരുഭൂമിയില്‍ കഷ്ടപ്പെടുന്ന പാവങ്ങളെ കുറിച്ച് ഒരു ആശങ്കയും സര്‍ക്കാരിനില്ലെന്ന് ടി.ഇ പറഞ്ഞു. പ്രവാസി ലീഗ് ജില്ലാ പ്രസിഡന്റ് എ.പി ഉമ്മര്‍ അധ്യക്ഷത വഹിച്ചു. ജനറല്‍ സെക്രട്ടറി ഖാദര്‍ ഹാജി ചെങ്കള, ടിപി കുഞ്ഞബ്ദുല്ല ഹാജി, ബിയു അബ്ദുല്ല, സലാം ഹാജി, ഗഫൂര്‍ തളങ്കര, മുഹമ്മദ് ഗസാലി സംബന്ധിച്ചു.
Post a Comment
0 Comments