ഉപ്പള (www.evisionnews.co): ലോക്ക് ഡൗണിനെ തുടര്‍ന്ന് സംസ്ഥാനത്ത് മദ്യശാലകള്‍ അടഞ്ഞുകിടന്നപ്പോള്‍ കര്‍ണാടകയില്‍ നിന്നും മദ്യം കടത്തി ജില്ലയില്‍ യഥേഷ്ടം വിതരണം ചെയ്ത സി.പി.എം നോമിനി കേരള തുളു അക്കാദമി ചെയര്‍മാനെ തല്‍സ്ഥാനത്തു നിന്നും നീക്കാന്‍ ബന്ധപ്പെട്ടവര്‍ തയാറാകണമെന്ന് യൂത്ത് ലീഗ് മഞ്ചേശ്വരം മണ്ഡലം പ്രസിഡന്റ് എ.മുക്താര്‍, ജന. സെക്രട്ടറി ബി.എം. മുസ്തഫ ആവശ്യപ്പെട്ടു.
പാറക്കട്ടയിലെ വീട്ടുമുറ്റത്ത് നിര്‍ത്തിയിട്ടിരുന്ന തന്റെ മകന്റെ ഉടമസ്ഥതയിലുള്ള കാറില്‍ നിന്നാണ് മദ്യം കണ്ടെത്തിയത്. ഉദ്യോഗസ്ഥരെ സ്വാധീനിച്ച് നടത്തുന്ന ഇത്തരം മദ്യക്കടത്തിനെ കുറിച്ച് സമഗ്രമായ അന്വേഷണം വേണമെന്നും യൂത്ത് ലീഗ് പ്രസ്താവനയില്‍ ആവശ്യപ്പെട്ടു.
Post a Comment
0 Comments