24 മണിക്കൂറിനിടെ രാജ്യത്ത് 5242 പേര്‍ക്ക് കോവിഡ് സ്ഥിരീകരിച്ചു: രോഗബാധിതരുടെ എണ്ണം 96,000 കടന്നു

ദേശീയം (www.evisionnews.co): രാജ്യത്ത് ആശങ്ക ഒഴിയാതെ കോവിഡ് വ്യാപനം വര്‍ധിക്കുന്നു. കഴിഞ്ഞ 24 മണിക്കൂറിനിടെ 5242 പേര്‍ക്ക് രാജ്യത്ത് കോവിഡ് രോഗം സ്ഥിരീകരിച്ചത്. ഇതാദ്യമായാണ് 24 മണിക്കൂറിനിടെ ഇത്രയും പേര്‍ക്ക് രോഗം സ്ഥിരീകരിക്കുന്നത്. പുതിയ കണക്കുകള്‍ പ്രകാരം രാജ്യത്ത് ആകെ കോവിഡ് ബാധിച്ചവരുടെ എണ്ണം 96,169 പേരിലെത്തിയിട്ടുണ്ട്. 

24 മണിക്കൂറിനിടെ 157 പേരാണ് കോവിഡ് ബാധിച്ച് മരിച്ചത്. ഇതോടെ മരണസംഖ്യ 3029 ആയി. ആരോഗ്യ മന്ത്രാലയത്തിന്റെ കണക്കുകള്‍ പ്രകാരം ഇതുവരെ 36824 പേര്‍ക്ക് അസുഖം ഭേദമായി. മധ്യപ്രദേശിലെ ഇന്‍ഡോറില്‍ 95 പേര്‍ക്ക് കൂടി കോവിഡ് സ്ഥിരീകരിച്ചു. ഇന്‍ഡോറില്‍ ആകെ രോഗികളുടെ 2565 ആയി. മഹാരാഷ്ട്രയില്‍ ഇന്നലെ മാത്രം 2347 പേര്‍ക്ക് കോവിഡ് രോഗം സ്ഥിരീകരിച്ചു.