താനൂരില്‍ മദ്യപാനത്തിനിടെ യുവാവിനെ സുഹൃത്തുക്കള്‍ കുത്തിക്കൊന്നു

മലപ്പുറം (www.evisionnews.co): താനൂരില്‍ മദ്യപിച്ച് സുഹൃത്തുക്കള്‍ തമ്മിലുള്ള തര്‍ക്കത്തിനിടെ ഒരാള്‍ കുത്തേറ്റ് മരിച്ചു. കട്ടച്ചിറയില്‍ താമസിക്കുന്ന അരീക്കോട് സ്വദേശി ശിഹാബുദ്ദീനാണ് കൊല്ലപ്പെട്ടത്. പുതിയങ്ങാടി സ്വദേശി അസലിന് പരിക്കേറ്റു. ഇവരെ കുത്തിയ രാഹുല്‍, സുഫിയാന്‍ എന്നിവര്‍ക്കെതിരെ താനൂര്‍ പോലീസ് കേസെടുത്തു.

സംഘമായി മദ്യപിക്കുന്നതിനിടെ വാക്ക് തര്‍ക്കമുണ്ടാകുകയും കത്തിക്കുത്തില്‍ കലാശിക്കുകയുമായിരുന്നു. രാഹുലും സുഫിയാനും മോഷണം ഉള്‍പ്പെടെ മറ്റുകേസുകളിലും പ്രതികളാണെന്ന് താനൂര്‍ സിഐ പറഞ്ഞു.