മംഗളൂരു (www.evisionnews.co): മംഗളൂരു വെന്‍ലോക്ക് ഗവ. ആശുപത്രിയില്‍ നിന്ന് കാസര്‍കോട് സ്വദേശിക്ക് നിര്‍ബന്ധിത ഡിസ്ചാര്‍ജ് നല്‍കി. കാഞ്ഞങ്ങാട് പൂച്ചക്കാട് സ്വദേശിയെയാണ് ഡിസ്ചാര്‍ജ് ചെയ്തത്. ആശുപത്രിയില്‍ നിന്ന് വീട്ടിലേക്ക് മടങ്ങവേ മൊഗ്രാല്‍ പുത്തൂരില്‍ ഇയാള്‍ കുഴഞ്ഞുവീണു. 21നാണ് തെക്കോട്ട് വെച്ച് തെങ്ങില്‍ നിന്നുവീണു പരിക്കേറ്റത്. തുടര്‍ന്ന് ഗുരുതര നിലയില്‍ വെന്‍ലോക്ക് ആശുപത്രിയില്‍ ചികിത്സയിലായിരുന്നു. എന്നാല്‍ ഞായറാഴ്ച ഇയാലെ മരുന്നുകുറിപ്പടി പോലും കൊടുക്കാതെ ഡിസ്ചാര്‍ജ് ചെയ്യുകയായിരുന്നു. ഇതേതുടര്‍ന്ന് വീട്ടിലേക്ക് മടങ്ങുകയായിരുന്നു. എന്നാല്‍ ലോക് ഡൗണിനെ തുടര്‍ന്ന് വാഹനങ്ങള്‍ കിട്ടാത്തതിനാല്‍ കാല്‍നടയായി വരികയായിരുന്നു. ഇതിനിടെയാണ് മൊഗ്രാല്‍ പുത്തൂരില്‍ ക്ഷിണിച്ചവശനായി കുഴഞ്ഞുവീണത്. നാട്ടുകാര്‍ വിവരമറിയിച്ചതിനെ തുടര്‍ന്ന് പൊലിസെത്തി വീട്ടിലെത്തിച്ചു.
Post a Comment
0 Comments