ബംഗളൂരു (www.evisionnews.co): കര്‍ണാടകയിലെ കല്‍ബുര്‍ഗിയില്‍ കൊവിഡ് ബാധയെത്തുടര്‍ന്ന് മരിച്ചയാളെ ചികിത്സിച്ച ഡോക്ടര്‍ക്ക് വൈറസ് സ്ഥിരീകരിച്ചു. രാജ്യത്ത് ആദ്യം മരിച്ച 63കാരനെ ചികിത്സിച്ച ഡോക്ടറിലാണ് വൈറസ് സ്ഥിരീകരിച്ചത്. ഡെപ്യൂട്ടി കമ്മീഷണര്‍ ബി. ശരത് ആണ് ഇക്കാര്യം പുറത്തുവിട്ടത്.
മരിച്ചയാളുമായി നേരിട്ട് ഇടപഴകിയ ആളാണ് ഈ ഡോക്ടര്‍. ഇദ്ദേഹത്തെ ക്വാറന്റൈന്‍ ചെയ്തിരിക്കുകയാണ് ഇപ്പോള്‍. ഡോക്ടറെ ഐസൊലേഷന്‍ വാര്‍ഡില്‍ പ്രവേശിപ്പിച്ചിരിക്കുകയാണെന്ന് ബി. ശരത് അറിയിച്ചു.
കഴിഞ്ഞ ദിവസമാണ് കല്‍ബുര്‍ഗിയില്‍ വൈറസ് ബാധയേറ്റ വൃദ്ധന്‍ മരിച്ചത്. അതേസമയം, കൊവിഡ് വ്യാപനത്തില്‍ രാജ്യത്ത് കര്‍ശന നിയന്ത്രണങ്ങളാണ് കേന്ദ്രം ഏര്‍പ്പെടുത്തിയിരിക്കുന്നത്.
Post a Comment
0 Comments