ദേശീയം (www.evisionnews.co): ഉപതെരഞ്ഞെടുപ്പില് നാമനിര്ദേശ പത്രിക നല്കിയപ്പോള് പിഴവ് വരുത്തിയ ജില്ലാ സെക്രട്ടറി കൂടിയായ സി.പി.എം സ്ഥാനാര്ത്ഥിയെ പാര്ട്ടിയില് നിന്ന് സസ്പെന്ഡ് ചെയ്തു. തെലങ്കാനയിലെ ഹുസുര്നഗര് മണ്ഡലത്തില് ഉപതെരഞ്ഞെടുപ്പില് സി.പി.ഐ.എം സ്ഥാനാര്ത്ഥിയായി നിര്ദേശിക്കപ്പെട്ട പാറേപ്പള്ളി ശേഖര് റാവുവിനെയാണ് സസ്പെന്ഡ് ചെയ്തത്.
നാമനിര്ദേശ പത്രിക തള്ളിയതിലൂടെ പാര്ട്ടിയുടെ മുഖം നഷ്ടപ്പെട്ടെന്ന കാരണത്താലാണ് ശേഖര് റാവുവിനെതിരെ നടപടിയെന്ന് സി.പി.ഐ.എം വ്യക്തമാക്കി. ഇതോടൊപ്പം ജില്ലാ സെക്രട്ടറിയും സംസ്ഥാന സമിതി അംഗവുമായിരുന്ന സൂര്യാപേട്ട് മുല്ക്കലപ്പള്ളി രാമലുവിനെ പാര്ട്ടി സ്ഥാനങ്ങളില് നിന്ന് നീക്കം ചെയ്യാനും തീരുമാനിച്ചു. ആവശ്യമായ രേഖകള് സമര്പ്പിക്കാത്തതിനാലാണ് പത്രിക തള്ളിയത്. തെരഞ്ഞെടുപ്പില് തെലങ്കാന പ്രജ പാര്ട്ടി സ്ഥാനാര്ത്ഥിയെ പിന്തുണക്കാനാണ് സി.പി.ഐ.എം തീരുമാനം.
Post a Comment
0 Comments