തമിഴ്നാട് (www.evisionnews.co): തിരുച്ചിറപ്പള്ളിയില് ജ്വല്ലറിയുടെ ചുമര് തുരന്ന് വന് കവര്ച്ച. തിരുച്ചിറപ്പള്ളിയിലെ ലളിതാ ഗോള്ഡ് ജ്വല്ലറിയുടെ ശാഖയില് നിന്നാണ് മുഖം മൂടി ധരിച്ചെത്തിയ രണ്ടംഗസംഘം അന്പത് കോടി രൂപ മൂല്യം വരുന്ന സ്വര്ണം കവര്ന്നത്. നഗരമധ്യത്തിലെ ചൈത്രം ബസ് സ്റ്റാന്റിന് സമീപം സ്ഥിതി ചെയ്യുന്ന ജ്വല്ലറി അതിവിദഗ്ദമായാണ് കവര്ച്ചാസംഘം കൊള്ളയടിച്ചത്.
ബുധനാഴ്ച പുലര്ച്ചയോടെയാണ് ജ്വല്ലറി കൊള്ളയടിക്കപ്പെട്ടത്. ജ്വല്ലറിയുടെ പിന്വശത്തെ ചുമര് തുറന്ന് അകത്തു കയറിയ കവര്ച്ചാ സംഘം പരമാവധി സ്വര്ണം ശേഖരിച്ച് രക്ഷപ്പെടുകയായിരുന്നു. മുഖംമൂടി ധരിച്ചെത്തിയ മോഷ്ടാക്കളുടെ ദൃശ്യങ്ങള് സിസിടിവിയില് പതിഞ്ഞു. ഫാന്സി മുഖംമൂടിയാണ് ഇവര് ധരിച്ചിരിക്കുന്നത്. രാവിലെ കട തുറക്കാനായി ജീവനക്കാര് എത്തിയപ്പോള് ആണ് കവര്ച്ചാ വിവരം പുറംലോകം അറിയുന്നത്.
കഴിഞ്ഞ ജനുവരിയിലും സമാനമായ രീതിയില് തിരുച്ചിറപ്പള്ളിയില് വമ്പന് കൊള്ള നടന്നിരുന്നു. അന്ന് തിരുച്ചിറപ്പള്ളിചെന്നൈ ദേശീയപാതയില് സ്ഥിതി ചെയ്യുന്ന പഞ്ചാബ് നാഷണല് ബാങ്ക് ശാഖയിലാണ് കവര്ച്ച നടന്നത്. ബാങ്കിന്റെ പിന്വശത്തെ ചുമര് തകര്ത്ത് അകത്ത് കയറിയ മോഷ്ടാക്കള് അഞ്ച് ലോക്കറുകളില് നിന്നായി 19 ലക്ഷം രൂപയും സ്വര്ണവും രേഖകളും കവര്ന്നിരുന്നു.
Post a Comment
0 Comments