ദേശീയം (www.evisionnews.co): വിവാഹമോചനം നേടിയ ഭാര്യയെ ബലാത്സംഗം ചെയ്ത പ്രൊഫസര് അറസ്റ്റില്. ഉത്തര്പ്രദേശിലെ അലിഗഢിലാണ് സംഭവം. ഒന്നര വര്ഷമായി വേര്പിരിഞ്ഞു കഴിയുന്ന സ്ത്രീയെ 58- കാരനായ പ്രൊഫസര് വീട്ടിലെത്തി പീഡിപ്പിക്കുകയായിരുന്നു. ഒരുമാസം മുമ്പ് സ്ത്രീ നല്കിയ പരാതിയില് ബുധനാഴ്ചയാണ് പ്രതിയെ പൊലീസ് അറസ്റ്റു ചെയ്തത്.
വിവാഹമോചനത്തിനു ശേഷം മകനും മകളുമൊത്ത് മറ്റൊരു വീട്ടിലാണ് സ്ത്രീ താമസിക്കുന്നത്. മക്കളെ കാണാന് ഇടക്കിടക്ക് പ്രൊഫസര് ഈ വീട്ടില് വരാറുണ്ടെന്ന് പരാതിയില് പറയുന്നു. ആഗസ്റ്റ് 29ന് വൈകീട്ടോടെ പ്രൊഫസര് വീട്ടിലെത്തുമ്പോള് അവിടെ സ്ത്രീ മാത്രമാണ് ഉണ്ടായിരുന്നത്. ഈ സമയം തോക്കുചൂണ്ടി ഭീഷണിപ്പെടുത്തിയ പ്രൊഫസര് തന്നെ ബലാത്സംഗം ചെയ്തുവെന്നാണ് സ്ത്രീയുടെ പരാതി.
പ്രൊഫസര് വാട്സാപ്പ് മെസ്സേജിലൂടെ 2017ല് അനധികൃതമായി സ്ത്രീയെ മുത്തലാഖ് ചൊല്ലുകയായിരുന്നു. തനിക്ക് നീതി ലഭിക്കുന്നില്ലെന്നു കണ്ട്, അന്ന് സ്ത്രീ മക്കളെയുമെടുത്ത് വൈസ് ചാന്സലറുടെ മുന്നില് ആത്മഹത്യാ ഭീഷണി മുഴക്കിയിരുന്നു.
Post a Comment
0 Comments