കാഞ്ഞങ്ങാട് (www.evisionnews.co): പാണത്തൂര് മിനാര് ഗോള്ഡില് നിന്നും 400 പവന് സ്വര്ണ്ണാഭരണങ്ങളും 1.20ലക്ഷം രൂപയും കവര്ച്ച ചെയ്ത കേസില് മൂന്നു പ്രതികളെ എട്ടു വര്ഷം തടവിനും പതിനായിരം രൂപ വിതം പിഴയ്ക്കും ശിക്ഷിച്ചു. പിഴയടച്ചില്ലെങ്കില് ഒരു മാസം തടവ് കൂടി അനുഭവിക്കണം. പാണത്തൂരിലെ ആരിഫ് (38), ആബിദ്(42), പാണത്തൂര് പള്ളിക്കലിലെ കെ. നൗഫല്(46) എന്നിവരെയാണ് ഹൊസ്ദുര്ഗ് ഒന്നാം ക്ലാസ് ജുഡീഷ്യല് മജിസ്ട്രേറ്റ് (ഒന്ന്) വിദ്യാധരന് പെരുമ്പള ശിക്ഷിച്ചത്. കാഞ്ഞങ്ങാട് ഗാര്ഡന് വളപ്പിലെ എം.കെ ഹമീദിന്റെ ഉടമസ്ഥതയിലുള്ള മിനാര് ജ്വല്ലറിയില് 2007 ആഗസ്റ്റ് 18നാണ് കവര്ച്ച നടന്നത്. ജ്വല്ലറിയി ലെ ജീവനക്കാരനായിരുന്നവരാണ് ശിക്ഷിക്കപ്പെട്ട പ്രതികള്. ജ്വല്ലറിയുടെ ഷട്ടറിന്റെ പൂട്ടു തുറന്നാണ് മോഷണം നടത്തിയത്.
Post a Comment
0 Comments