ഡല്ഹി (www.eivisionnews.co): കനത്ത മഴയില് ദുരിതമനുഭവിക്കുന്ന തന്റെ മണ്ഡലമായ വയനാട്ടിലെത്താന് താല്പര്യമറിയിച്ച് രാഹുല് ഗാന്ധി എംപി. കാലവര്ഷം കനത്തതോടെ വെള്ളപ്പൊക്കവും ഉരുള്പൊട്ടലും രൂക്ഷമായ വയനാട്ടില് കാര്യമായ ജാഗ്രത വേണമെന്നാവശ്യപ്പെട്ട് മുഖ്യമന്ത്രി പിണറായി വിജയനുമായി ഫോണില് സംസാരിച്ചിരുന്നതായും രാഹുല് ഗാന്ധി ട്വിറ്ററിലൂടെ അറിയിച്ചു.
ദുരിതാശ്വാസവുമായി ബന്ധപ്പെട്ട കാര്യങ്ങള് പരിശോധിക്കണമെന്നാവശ്യപ്പെട്ട് വയനാട്, കോഴിക്കോട്, മലപ്പുറം തുടങ്ങിയ ജില്ലകളിലെ കലക്ടര്മാരുമായും ഫോണില് ബന്ധപ്പെട്ടിരുന്നു. വെള്ളപ്പൊക്കത്തില് ദുരിതമനുഭവിക്കുന്ന തന്റെ മണ്ഡലമായ വയനാട്ടിലെ ജനങ്ങള് മാത്രമാണ് തന്റെ ചിന്തയിലും പ്രാര്ത്ഥനയിലുമുള്ളത്. വയനാട്ടിലേക്ക് പുറപ്പെട്ടതായിരുന്നു. എന്നാല് തന്റെ സന്ദര്ശനം രക്ഷാ പ്രവര്ത്തനത്തെ ബാധിക്കുമെന്ന് ഉദ്യോഗസ്ഥര് നിര്ദേശിച്ചതിനാല് യാത്രമാറ്റി വെക്കുകയായിരുന്നുവെന്നും രാഹുല് പറഞ്ഞു.
Post a Comment
0 Comments