അതിനിടെ വെള്ളം കയറിയ വീട്ടില്നിന്നു സുരക്ഷിതകേന്ദ്രത്തിലേക്കു മാറുന്നതിനിടെ വീട്ടമ്മ കുഴഞ്ഞുവീണു മരിച്ചു. പനമരം മാതോത്ത് പൊയില് കാക്കത്തോട് കോളനിയിലെ ബാബുവിന്റെ ഭാര്യ മുത്തുവാണു മരിച്ചത്. കുഴഞ്ഞുവീണ മുത്തുവിനെ രക്ഷാപ്രവര്ത്തകര് പനമരത്തെ സ്വകാര്യ ആശുപത്രിയിലെത്തിച്ചെങ്കിലും മരിക്കുകയായിരുന്നു. കല്പറ്റയുടെ സമീപപ്രദേശങ്ങളില് പലഭാഗങ്ങളും ഒറ്റപ്പെട്ടു. ഇവിടെ നാട്ടുകാരും രക്ഷാപ്രവര്ത്തകരും ആളുകളെ ഒഴിപ്പിക്കാനുള്ള ശ്രമത്തിലാണ്. മക്കിയാടും തോണിച്ചാലും മണ്ണിടിച്ചിലും ഉരുള്പൊട്ടലുമുണ്ടായി. ബാണാസുര സാഗര്, കാരാപ്പുഴ അണക്കെട്ടുകളില് ജലനിരപ്പ് ഉയരുകയാണെന്നാണ് റിപ്പോര്ട്ട്. കബനി നദിയില് ജലനിരപ്പ് ക്രമാതീതമായി ഉയരുകയാണ്. താഴ്ന്ന പ്രദേശങ്ങള് പലതും വെള്ളത്തിനടിയിലായി.
Post a Comment
0 Comments