ഇന്ന് ചിങ്ങം ഒന്ന്: പെരുമഴക്കാലത്തും പ്രതീക്ഷയോടെ മലയാളികള്‍

കാസര്‍കോട് (www.evisionnews.co): ചിങ്ങം ഒന്ന് ഓരോ മലയാളിക്കും പുതുവര്‍ഷപ്പിറവിയാണ്. പൊന്നിന്‍ ചിങ്ങമെന്ന് എക്കാലവും പറയാറുള്ള മലയാളിക്ക് രണ്ട് കൊല്ലമായി ഓണം പെരുമഴക്കാലമാണ്. എന്നാല്‍ ഈ ഓണം പൊന്നോണം തന്നെയാകുമെന്ന പ്രതീക്ഷയിലാണ് ഒരോ കേരളീയനും. കള്ളക്കര്‍ക്കിടകത്തിന്റെ താണ്ഡവകാലം കടന്ന് മലയാളി എക്കാലവും കാത്തിരിക്കുന്ന നാളാണിത്. ചിങ്ങം ഒന്ന് . പൊന്നിന്‍ ചിങ്ങമാസത്തിലേക്കുള്ള കാല്‍വെപ്പ്. 

പഞ്ഞമാസക്കാലത്തെ ദുരിതപ്പെയ്ത്തിലും വിളവിനെ കാത്ത് പരിപാലിച്ച് ചിങ്ങത്തില്‍ വിളവെടുക്കാന്‍ ഒരുങ്ങുന്ന കാലം. ചിങ്ങം ഒന്ന് മലയാളിക്ക് കര്‍ഷകദിനം കൂടിയാണ്. പ്രകൃതിയുടെ ഭാവമാറ്റം, മണ്ണറിഞ്ഞ് ജീവിക്കുന്ന ഓരോ മലയാളിയിലും സന്തോഷം കൊണ്ട് വരുന്ന കാലം. ഓണപുലരികളെ കാത്തിരിക്കുകയാണ് ഓരോ മലയാളിയും. എന്നാല്‍ കഴിഞ്ഞ വര്‍ഷവും ഈ കൊല്ലവും മലയാളിയുടെ നല്ലനാള്‍ ദുരിതപ്പെരുംപെയ്ത്തില്‍ തകന്നുപോയി.