ബെംഗളൂരു (www.evisionnews.co): കര്ണാടകയില് രാജിവെച്ച മന്ത്രി എച്ച് നാഗേഷ് ബി.ജെ.പിക്ക് പിന്തുണ പ്രഖ്യാപിച്ചു. ഇതോടെ ബി.ജെ.പി പക്ഷത്തെ എം.എല്.എ മാരുടെ എണ്ണം 106 ആയി. 106 പേരുടെ പിന്തുണയാണ് കേവല ഭൂരിപക്ഷത്തിനു വേണ്ടത്. സ്വതന്ത്ര എം.എല്.എയാണ് നാഗേഷ്. ഒരു മാസം മുമ്പാണ് നാഗേഷിനെ മന്ത്രിസഭയില് ഉള്പ്പെടുത്തിയത്.
അതേസമയം, രാജിവെച്ച എം.എല്.എമാരെ അനുനയിപ്പിക്കാനുള്ള ശ്രമം തുടരുകയാണ്. എല്ലാ കോണ്ഗ്രസ് മന്ത്രിമാരും രാജിവെച്ചതായാണ് സൂചന. വിമത എം.എല്.എമാര്ക്ക് മന്ത്രി സ്ഥാനം നല്കാനാണ് രാജിയെന്നാണ് സൂചന.
ഗവര്ണറെ കണ്ടാണ് നാഗേഷ് രാജി സമര്പ്പിച്ചത്. നാഗേഷ് ഇപ്പോള് രാജ്ഭവനില് തുടരുകയാണെന്നാണ് റിപ്പോര്ട്ട്. ഇതോടെ 14 എം.എല്.എമാരുടെ പിന്തുണയാണ് ജെ.ഡി.എസ്-കോണ്ഗ്രസ് സര്ക്കാറിന് നഷ്ടപ്പെട്ടിരിക്കുന്നത്.
Post a Comment
0 Comments