കെ.എസ്.ടി.പി റോഡില്‍ ബൈക്കും കാറും കൂട്ടിയിടിച്ച് ബൈക്ക് യാത്രികന്‍ മരിച്ചു

കാസര്‍കോട് (www.evisionnews.co): കെഎസ്ടിപി റോഡില്‍ ബൈക്കും കാറും കൂട്ടിയിടിച്ച് ബൈക്ക് യാത്രക്കാരനായ യുവാവ് മരിച്ചു. വെള്ളിക്കോത്ത് അടോട്ടെ കുഞ്ഞിക്കണ്ണന്‍- പത്മിനി ദമ്പതികളുടെ മകന്‍ അഭിലാഷ് (26) ആണ് മരിച്ചത്. ചൊവ്വാഴ്ച വൈകിട്ട് 3.30മണിയോടെ മാണിക്കോത്താണ് അപകടം. അഭിലാഷ് ഓടിച്ച ബൈക്കില്‍ എതിരെ വരികയായിരുന്ന കാറിടിക്കുകയായിരുന്നു. ഗുരുതരമായി പരിക്കേറ്റ യുവാവിനെ ഉടന്‍ തന്നെ കാഞ്ഞങ്ങാട്ടെ ആസ്പത്രിയില്‍ എത്തിച്ചെങ്കിലും മരിച്ചിരുന്നു. ഇലക്ട്രിക് ജോലിക്കാരനാണ് അഭിലാഷ്. സഹോദരങ്ങള്‍: ഐശ്വര്യ, അപര്‍ണ.