ബിനോയ് കോടിയേരിക്കെതിരെ ഡാന്സ് ബാറില് ജോലി ചെയ്തിരുന്ന ബിഹാര് സ്വദേശിനി പീഡനമാരോപിച്ച് നല്കിയ കേസില് കൂടുതല് അന്വേഷണം നടത്തുന്നതിനാണ് മുംബൈ പൊലീസ് കണ്ണൂരിലെത്തിയത്. എന്നാല് എഫ്ഐആര് രജിസ്റ്റര് ചെയ്തതിനാലും ഗുരുതരമായ ആരോപണങ്ങളായതിനാലും കസ്റ്റഡിയിലെടുത്ത് ചോദ്യം ചെയ്യാനാണ് മുംബൈ പൊലീസിന്റെ നീക്കമെന്നാണ് അറിയാന് കഴിഞ്ഞത്.
മുംബൈയില് നിന്നെത്തിയ ഇന്സ്പെക്ടറും പൊലീസ് കോണ്സ്റ്റബിളും കണ്ണൂര് എസ്.പി.യുമായി കഴിഞ്ഞദിവസം കൂടിക്കാഴ്ച നടത്തിയിരുന്നു. തുടര്ന്ന് ബിനോയ് കോടിയേരിയുടെ വീട് സ്ഥിതിചെയ്യുന്ന ന്യൂമാഹി പോലീസ് സ്റ്റേഷനിലെത്തി വിവരങ്ങള് ആരാഞ്ഞെന്നുമാണ് റിപ്പോര്ട്ട്. വിവാഹ വാഗ്ദാനം നല്കി പീഡിപ്പിച്ചെന്നും ഈ ബന്ധത്തില് എട്ടുവയസ്സുള്ള കുട്ടിയുണ്ടെന്നുമാണ് യുവതിയുടെ പരാതി.
Post a Comment
0 Comments