ന്യൂയോര്ക്ക് (www.evisionnews.co): ഇന്ത്യന് പ്രധാനമന്ത്രി നരേന്ദ്ര മോദിയെ 'ഭിന്നിപ്പിക്കലിന്റെ തലവന്' എന്ന് വിശേഷിപ്പിച്ച് ടൈംസ് മാഗസിന്. ഗുജറാത്തിലെ കൂട്ടക്കൊലയുടെയും കലാപത്തിന്റെയും കാലത്ത് മോദിക്കെതിരെ അതി രൂക്ഷമായ വിമര്ശനങ്ങള് അഴിച്ചുവിട്ടിരുന്ന ടൈം പിന്നീട് നിലപാട് മയപ്പെടുത്തിയിരുന്നു. 2012ല് മോദിയെന്നാല് ബിസിനസാണെന്ന് പറഞ്ഞു തുടങ്ങിയ ടൈം മാഗസിന് പിന്നീട് പ്രശംസകളുമായും നിലയുറപ്പിച്ചിട്ടുണ്ട്.
എന്നാല് മോദിക്കെതിരെ രൂക്ഷമായ വിമര്ശനങ്ങളുമായാണ് പുതിയ ലക്കം ടൈം മാഗസിന് പുറത്തിറങ്ങുന്നത്. മേയ് 20-നു പുറത്തിറങ്ങാനിരിക്കുന്ന മാഗസിന്റെ കവര് ഇതിനോടകം ഏറെ ചര്ച്ചയായിക്കഴിഞ്ഞു. മോഡിസര്ക്കാരിന്റെ കഴിഞ്ഞ അഞ്ചുവര്ഷത്തെ രൂക്ഷമായി വിമര്ശിച്ചുകൊണ്ട് ആതിഷ് തസീറെഴുതിയ ലേഖനത്തിന്റെ ഈ തലക്കെട്ടും മോഡിയുടെ കാരിക്കേച്ചറുമാണ് അമേരിക്കന് ന്യൂസ് മാഗസിനായ ടൈമിന്റെ ഈ ലക്കം കവറില് നിറഞ്ഞുനില്ക്കുന്നത്. ആഗോളതലത്തില് മോഡിക്ക് പ്രസക്തി നഷ്ടമാകുന്നുവെന്നാണ് ടൈം മുഖചിത്രം കാണിക്കുന്നതെന്നാണ് വിലയിരുത്തലുകള്.
Post a Comment
0 Comments