(www.evisionnews.co) ടിക് ടോക് നിരോധനം റദ്ദാക്കി മദ്രാസ് ഹൈക്കോടതി. ആപ് നിരോധിച്ചുളള ഇടക്കാല ഉത്തരവാണ് കോടതി റദ്ദാക്കിയത്. അശ്ലീലകരമായ വീഡിയോകള് ആപ്പില് പ്രദര്ശിപ്പിക്കില്ലെന്ന് ചൈനീസ് കമ്പനി കോടതിയെ അറിയിച്ചതിനെ തുടര്ന്നാണിത്. ജസ്റ്റിസ് എന് കിരുബാകരനും എസ്.എസ് സുന്ദറും അടങ്ങിയ ബെഞ്ചാണ് നിരോധനം നീക്കം ചെയ്ത് ഉത്തരവ് പുറപ്പെടുവിച്ചത്.
സംസ്കാരത്തിന് യോജിക്കുന്നില്ലെന്നും അശ്ലീലകരമായ വീഡിയോകള് വര്ധിക്കുന്നെന്നുമുള്ള പരാതിയെ തുടര്ന്നാണ് ഏപ്രില് മൂന്നിന് മദ്രാസ് ഹൈക്കോടതി കേന്ദ്രത്തോട് ടിക് ടോക് നിരോധിക്കാന് നിര്ദേശിക്കുകയായിരുന്നു. നിരോധിച്ചതിന് പിന്നാലെ ആപ് സ്റ്റോറില് നിന്നും ഗുഗിള് പ്ലേ സ്റ്റോറില് നിന്നും ആപ്ലിക്കേഷന് അപ്രത്യക്ഷമായിരുന്നു. ചൈനീസ് ഇന്റെര്നെറ്റ് സര്വ്വീസസ് കമ്പനിയായ ബൈറ്റ് ഡാന്സിന്റേതാണ് യുവാക്കള്ക്കിടയില് ഹരമായ ടിക് ടോക് ആപ്പ്. ഡൗയിന് എന്ന പേരിലായിരുന്ന ആപ് ചൈനക്ക് പുറത്തേക്ക് വ്യാപിച്ചപ്പോഴാണ് പേര് മാറി ടിക് ടോക്കായത്.
Post a Comment
0 Comments