തിരുവനന്തപുരം (www.evisionnews.co): വേണുഗോപാലന് നായരുടെ മരണമൊഴി പുറത്ത്. ജീവിതം തുടരാന് താല്പര്യമില്ലാത്തതിനാലാണ് ആത്മഹത്യ ചെയ്യുന്നത് എന്നായിരുന്നു വേണുഗോപാലന് നായരുടെ മൊഴി. ശബരിമല വിഷയമോ ബിജെപി സമരമോ പരാമര്ശിക്കുന്നില്ല. മജിസ്ട്രേറ്റും ഡോക്ടറും മൊഴി രേഖപ്പെടുത്തിയിരുന്നു. അതേസമയം, വേണുഗോപാലന് നായരുടെ മരണത്തില് പ്രതിഷേധിച്ച് നാളെ സംസ്ഥാന വ്യാപകമായി ബിജെപി ഹര്ത്താലാണ്.
വ്യാഴാഴ്ച പുലര്ച്ചെയാണ് വേണുഗോപാലന് സെക്രട്ടേറിയറ്റിന് മുന്നില് സ്വയം തീകൊളുത്തിയത്. തുടര്ന്ന് ഗുരുതരമായി പൊള്ളലേറ്റ നിലയില് വേണുഗോപാലനെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചിരിക്കുകയായിരുന്നു. സെക്രട്ടറിയേറ്റിന് മുന്നില് ബി.ജെ.പി നേതാവ് സി.കെ പത്മനാഭന് നിരാഹാര സമരം നടത്തുന്ന സമരപ്പന്തലിന് മുന്നിലായിരുന്നു ആത്മഹത്യാശ്രമം. സമരപ്പന്തലിലേക്ക് ഓടിക്കയറിയ വേണുഗോപാലന് ശരീരത്തില് മണ്ണെണ്ണ ഒഴിച്ചശേഷം തീകൊളുത്തുകയായിരുന്നു. പുലര്ച്ചെ ഒന്നരയോടെയാണ് സംഭവം. തിരുവനന്തപുരം മുട്ടട സ്വദേശിയാണ് വേണുഗോപാലന് നായര്.
Post a Comment
0 Comments