കാസര്കോട് (www.evisionnews.co): മാസങ്ങള്ക്ക് മുമ്പ് മാങ്ങാട് ബാരയില് മയക്ക് മരുന്ന് മാഫിയകളുടെ കൈകളാല് കൊല്ലപ്പെട്ട ജസീം എന്ന പതിനഞ്ചുകാരന്റെ കൊലപാതകത്തെ അപകട മരണമാക്കി ഒതുക്കി തീര്ക്കാനുള്ള അന്വേഷണ സംഘത്തിന്റെ ശ്രമം സംശയാസ്പദമാണെന്നും കുറ്റവാളികളെ കണ്ടെത്തി മാതൃകാപരമായി ശിക്ഷിക്കാനാവശ്യമായ നടപടികള് കൈകൊള്ളണമെന്നുമാവശ്യപ്പെട്ട് ജസീം ജനകീയ ആക്ഷന് കമ്മിറ്റി ഭാരാവാഹികളും ജസീമിന്റെ വല്യുമ്മയുമടങ്ങുന്ന സംഘം മുഖ്യമന്ത്രി പിണറായി വിജയനെ നേരില് കണ്ട് നിവേദനം നല്കി. മുന് ഉദുമ എം.എല്.എ, കെ.വി കുഞ്ഞിരാമന്റെ നേതൃത്തില് കാസര്കോട് ഗസ്റ്റ് ഹൗസിലാണ് മുഖ്യമന്ത്രിയെ കണ്ടത്. കാര്യങ്ങള് പഠിച്ച് ആവശ്യമായത് ചെയ്യാമെന്നും മുഖ്യമന്ത്രി ഉറപ്പുനല്കി. കബീര് മാങ്ങാട്, ഇബ്രാഹിം കീഴൂര്, മുഹമ്മദ് മദനി, ഫൈസല് എന്നിവരും നിവേദന സംഘത്തിലുണ്ടായിരുന്നു.
Post a Comment
0 Comments