തിരുവനന്തപുരം (www.evisionnews.co): ഗജ ചുഴലിക്കാറ്റ് കേരള തീരത്ത് വീശാന് തുടങ്ങിയതോടെ സംസ്ഥാനത്ത് മഴ കനത്തു. ഇതോടെ ആറു ജില്ലകളില്കൂടി ഓറഞ്ച് അലേര്ട്ട് പ്രഖ്യാപിച്ചു. മഴ ശക്തമാകാന് സാധ്യതയുണ്ടെന്ന മുന്നറിയപ്പ് എത്തിയതോടെ പൊതുജനങ്ങള്ക്ക് മുഖ്യമന്ത്രി മുന്നറിയിപ്പ് നല്കി.
ഇന്നും നാളെയും മലയോര, തീരമേഖലകളിലുള്പ്പെടെ മണിക്കൂറില് 40 കിലോമീറ്റര് വരെ വേഗത്തില് കാറ്റ് വീശിയേക്കാം. ജാഗ്രത പുലര്ത്തണമെന്ന് ജില്ലാ ഭരണകൂടങ്ങള്ക്കും പോലീസ്, ഫയര്ഫോഴ്സ്, കെഎസ്ഇബി വകുപ്പുകള്ക്കും സര്ക്കാര് നിര്ദേശം നല്കി. ഇന്നു വൈകിട്ടു മുതല് മത്സ്യത്തൊഴിലാളികള് കടലില് പോകരുത്. കോസ്റ്റ് ഗാര്ഡും നാവികസേനയും മത്സ്യത്തൊഴിലാളികള്ക്കു മുന്നറിയിപ്പു നല്കണമെന്നും നിര്ദേശിച്ചു.
അതേസമയം, തെക്കന് ബംഗാള് ഉള്ക്കടലില് രൂപം കൊണ്ട ഗജ ചുഴലിക്കാറ്റിനെ തുടര്ന്ന് കടല് പ്രക്ഷുബ്ധമാകാന് സാധ്യതയുള്ളതിനാല് മത്സ്യത്തൊഴിലാളികള് നവംബര് 20 വരെ തെക്ക് കിഴക്കന് അറബിക്കടലിലും കേരള തീരത്തും ലക്ഷദ്വീപ് ഭാഗത്തും കന്യാകുമാരി ഭാഗത്തും ഗള്ഫ് ഓഫ് മാന്നാറിലും ഒരു കാരണവശാലും മത്സ്യബന്ധനത്തിനായി പോകാന് പാടുള്ളതല്ലെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്.
Post a Comment
0 Comments