കോഴിക്കോട്:(www.evisionnews.co) 'ബീഫ് എന്ന വാക്ക് പാടില്ല, പകരം ഭക്ഷണം എന്നുപയോഗിക്കണം. ദലിത് എന്ന വാക്കിന് പകരം സഹോദരന് എന്നേ പാടുള്ളൂ'.നാദാപുരം ഗവ. ആര്ട്സ് ആന്റ് സയന്സ് കോളജിലെ 2016-17 കാലത്തെ മാഗസിനാണ് രാഷ്ട്രീയ ഉള്ളടക്കങ്ങളെ തുടര്ന്ന് പുറത്തിറങ്ങാനാവാത്ത അവസ്ഥയിലായത്. ഇതുമാത്രമല്ല, എം.മുകുന്ദന്റെ നോവല് ഭാഗം, വി ടി ബല്റാം എം.എല്.എയുടെ അഭിമുഖം, സംഘപരിവാറിനെക്കുറിച്ചുള്ള ലേഖനങ്ങള് എന്നിവയും മാഗസിനില് പാടില്ലെന്നാണ് കോളജ് അധികൃതരുടെ നിലപാട്. 114 പേജുള്ള മാഗസിനിലെ മുഖക്കുറിപ്പും കവര് ചിത്രവുമടക്കം 40 പേജുകള് ഒഴിവാക്കുകയോ മാറ്റം വരുത്തുകയോ ചെയ്യണമെന്നാണ് പ്രിന്സിപ്പലും സ്റ്റാഫ് എഡിറ്ററും ചില അധ്യാപകരും ആവശ്യപ്പെട്ടിരുന്നതെന്ന് മാഗസിന് എഡിറ്റോറിയല് ബോര്ഡ് പറയുന്നു. എന്നാല്, രാഷ്ട്രീയ പക്ഷപാതപരമായ ഉള്ളടക്കം ഒഴിവാക്കാന് മാത്രമാണ് ആവശ്യപ്പെട്ടതെന്നാണ് കോളജ് പ്രിന്സിപ്പല് പറയുന്നത്.
വാണിമേല് പഞ്ചായത്തിലെ വയല്പ്പീടികയില് താല്ക്കാലികമായി പ്രവര്ത്തിക്കുന്ന നാദാപുരം ഗവ. ആര്ട്സ് ആന്റ് സയന്സ് കോളജിലെ 2016-17 കാലത്തെ മാഗസിനാണ് രാഷ്ട്രീയ ഉള്ളടക്കങ്ങളെ തുടര്ന്ന് പുറത്തിറങ്ങാനാവാത്ത അവസ്ഥയിലായത്. എം.എസ്എഫ്, കെ.എസ്യു, എസ്എഫ്ഐ എന്നീ സംഘടനകള് സംയുക്തമായി നയിക്കുന്ന കോളജ് യൂനിയന് തയ്യാറാക്കിയ 'ഇമിരിച്ചല്, ചൂടാന്തിരി, പൊയച്ചില്' എന്നു പേരിട്ട മാഗസിനാണ് വിവാദത്തിലായത്. രാജ്യത്ത് നിലനില്ക്കുന്ന സങ്കീര്ണ്ണമായ അവസ്ഥകളെ രാഷ്ട്രീയമായി സമീപിക്കുന്ന ലേഖനങ്ങള്ക്കും അഭിമുഖങ്ങള്ക്കും കുറിപ്പുകള്ക്കുമാണ് വിലക്ക് വീണത്. രാജ്യ താല്പ്പര്യങ്ങള്ക്ക് എതിരാണെന്നും ചില വിഭാഗങ്ങളുടെ വികാരങ്ങളെ വ്രണപ്പെടുത്തുന്നുവെന്നും കാണിച്ചാണ് വിലക്കെന്ന് യൂനിയന് ഭാരവാഹികള് പറയുന്നു.
Post a Comment
0 Comments